“8 Janari”, Berisha: Anëtarësia do ta nxjerrë butësisht Bashën nga zyra!

Lideri historik i Partisë Demokratike, Lulzim Basha, ka sqaruar se më 8 Janar thjeshtë do të jetë një protestë paqësore kur Lulzim Basha butësisht do nxjerret jashtë paqësisht ndërsa i bëri thirrje që të mos përsërisë skenarin e 18 Dhjetorit, kur futi njerëz të armatosur në selinë e PD.

“Në 8 janar do të jetë protestë paqësore. Bashën butësisht dhe paqësisht, përmbaruesi anëtarësi do ta nxjerrë jashtë. Deputeti Basha do të largohet nga zyra dhe kaq është e gjithë historia.

Ai kishte futur banditë të armatosur, por edhe narkobanditë të qeverisë të armatosur në seli në datën 18. Ishte një akt shumë i rëndë, nga më të pashembulltët në historinë e një force demokratike. I faktuan mediat me fotografi dhe me emra. Ua dimë emrat, e dimë nga erdhën dhe kush janë.

Uroj të ketë nxjerrë mësim nga akti i tij i turpshëm dhe t’i nënshtrohet verditktit të 44 mijë anëtarëve të PD. Përndryshe, ata butësisht dhe paqësisht dot ë nxjerrin nga zyra dhe do t’ia paketojnë ato gjëra që ka, pa ia dëmtuar ato gjëra që ka,” u shpreh Sali Berisha në një intervistë për A2CNN duke saktësuar se kundër Lulzim Bashës votuan mbi 10.000 persona më shumë sesa është votuar 3 muaj më parë pro tij.

“Kështu që, Basha është vetëm deputet tani. Cilido gazetar apo demokrat dhe kushdo tjetër që kërkon të verifikojë, do t’i ketë disponibël 44 000 votat, të gjitha listat me emër, mbiemër dhe kartë identiteti. Gjithçka është lehtësisht e verifikueshme,” tha Ish-Presidenti Sali Berisha duek sqaruar se nuk ka asnjë element juridik të kësaj çështje.

“Statuti regjistohet në Gjykatë nëse përputhet me Kushtetutën e Shqipërisë, pra se mund të ketë nene që nxisin urrejtjen etnike dhe fetare. Asgjë tjetër ky statut nuk ka lidhje me Gjykatën. Pluralizmin e përcakton raporti shumicë pakicë.”