Ndërhyrja e policisë më 8 Janar, Rama: Basha në mënyrë të përsëritur bëri atë që se bën njeri…

Pas mbledhjes së Kryesisë së Partisë Socialiste, Kryeministri Edi Rama tha se PS është në funksion të zgjidhjes së problemeve të njerëzve, ndërsa PD është në funksion të zgjidhjes së problemeve të njeri-tjetrit ndërsa konstatoi se si Berisha ashtu dhe Basha nuk kanë asnjë legjitimitet.

Lidhur me akuzat e Lulzim Bashës për ndërhyrjen me vonesë të Policisë së Shtetit në protestën e 8 Janarit, Rama dhe se Basha në mënyrë të përsëritur bëri atë që se bën kurrë dikush që ka përgjegjësi ndaj njerëzve, institucionit dhe ligjeve të vendit, ndërsa vendimi për përjashtimet e fundit sipas Kryetarit të PS janë për të qarë dhe për të qeshur.

“Faktikisht Basha në mënyrë të përsëritur bëri atë që se bën kurrë dikush që ka sensin e përgjegjësisë ndaj njerëzve, institucionit, ligjeve të vendit, duke folur për fortifikime dhe duke bërë fortifikime në vend se qartësisht të fliste për nevojën që ai institucion të mbrohej nga policia. Duke përjashtuar policinë dhe reagimet para dhe mbrapa janë të ngjashme si dy pika uji të dy kufomave politike. Janë të dyja mbetje të ndarë përgjysmë,” tha Edi Rama duke folur edhe sot për superlativa me policinë:

“Policia e Shtetit ishte në sfidën e vet më të vështirë të këtyre 30 viteve sipas meje, sepse kurrë ndonjëherë më parë Policia e Shtetit nuk e ka pasur sfidën që të futet në oborrin e një partie për të ndarë dy palë që kacafyten dhe që mund të shkojë deri në gjakderdhje. E ka trajtuar çështjen me një profesionalizëm për t’u admiruar, me një qetësi për t’u admiruar dhe me një kalkulim risku për t’u admiruar, por gjithçka mund të evitohej. Nuk kishte nevojë të fortifikohej PD, mund të lajmërohej Policia e Shtetit dhe të thirrej për ta mbrojtur dhe nuk do kishte as dhunë dhe as kundërpërgjigje.”

A tregoi Lulzim Basha superioritet me përjashtimet, ishte pyetja që Kryeministrin e bëri për të qeshur dhe shtoi:

“Patjetër sepse…Nejse, kjo është për të qarë dhe për të qeshur, por unë nuk mund të qaj gjatë gjithë kohës për gjendjen realisht dramatike ku është opozita. Nganjëherë dhe mund të qeshim. Nuk më rezulton që ka pasur anëtarë të kryesisë të partisë që kanë synuar të marrin këtë godinë me dhunë dhe nuk më rezulton që ne të kemi ndërtuar fortifikime për t’u mbrojtur prej tyre. Jemi të gjithë bashkë në një proces në shërbim të njerëzve. Nuk jemi këtu në ansjë proces kacafytjeje për për interesa vetjake siç janë të dyja kufomat e PD që kanë marrë peng të gjithë demokratët duke u kacafytur me njeri-tjetrin dhe është një kacafytje që paradoksalisht bën që asnjëri të mos e lëshojë tjetrin sepse po ra njëri, bie dhe tjetri”, tha Rama ndërkohë sqaroi nëse PS i ka zgjidhur të gjitha problemet sa të shqetësohet për hallet e demokratëve:

“Ajo që është pak por e sigurt është që PS është në funksion të zgjidhjes së problemeve të njerëzve dhe të vendit, ndërkohë që PD është në funksion të zgjidhjes së problemeve të pazgjidhshme të dy individëve. Njëri kufomë politike me seli, tjetri kufomë politike pa seli. Njëri i mbyllur në selinë blu, tjetri i kyçur në listën e zezë. Kështu që është një moment shumë dramatik për demokratët. Unë uroj shumë që demokratët të dalin nga kjo situatë duke i kapërcyer të dyja këto kufoma dhe duke dalë përpara.”

Edhe sot kur u pyet për bashkëpunimin me opozitën rreth vettingut ose reformave tjera që kërkojnë konsensus, Edi Rama tha se tani nuk dihet se kush e përfaqëson.

“Të dy këta përfaqësues të mbetur nga e shkuara në këmbë nuk kanë asnjë legjitimitet veç e veç. Sigurisht që deputetët e PD-së, pavarësisht njëri apo tjetrit prijës janë legjitimë sepse janë aty me votën e popullit. Natyrisht për sa kohë do të shohim se ka shans për bashkëpunim dhe për bashkërendim të çfarëdolloj natyre, ne jemi aty për ta bërë, por situata është jashtëzakonisht e vështirë për momentin dhe do shikojmë si do zhvillohet. Uroj të jetë një proces që shkon drejt një zgjidhjeje paqësore. Uroj që dhuna që pamë dhe fortifikimet nga ana tjetër që janë dy anë të së njëjtës medalje për hir të së vërtetës të mbeten prapa.”

Në fund, pasi komentoi hallet e demokratëve ai sqaroi se ripërtëritja e PS me të rinj dhe mbledhja e Kongresit të PS, ishin dy temat e diskutuara në mbledhjen e Kryesisë së Partisë Socialiste.

“Rrjeti rinor të PS dhe përtej saj, një rrjet vullnetarizmi, qytetarie progresive në funksion të komunitetit dhe sigurish ku ne dëshirojmë të nderveprojmë më të rinjtë dhe tu japim mundësinë që të kenë një mbështetje që të kthehen në aktivistë dhe njerëz të interesuar përtej punëve të veta. E dyta, ngjarja e kongresit të PS që do të adresojë sfidat e përbashkëta të qeverisë për 4 vitet që vijnë.

Në funksion të komunitetit, ku ne dëshirojmë të ndërveprojmë me të rinjtë e tu japim mundësinë të kenë një mbështetje për c ka janë të interesuar, të bëjnë si njerëz të interesuar përtej punëve të veta.”