Pas takimit në Presidencë, Balla: Zgjedhjet më 6 Mars! Meta: Mora garanci nga PS…
Pas takimit me Presidentin e Republikës, Kryetari i Grupit Parlamentar të Partisë Socialiste, Taulant Balla, ka zbuluar se Ilir Meta e ka caktuar 6 marsin si datë për mbajtjen e zgjedhjeve të pjesshme lokale në gjashtë bashkitë pa kryetar ndërsa vet Meta ka sqaruar se ka marrë garanci nga PS që është gati për zgjedhje në 6 mars dhe se nuk do t’i bojkotojë.
“Për në nuk ka asnjë datë. Data është e përcaktuar nga ligji dhe Kushtetuta dhe nga presidenti jemi informuar dhe presidenti mendon që zgjedhjet e pjesshme të zhvillohen në 6 mars,” tha Taulant Balla ndërsa Ilir Meta sqaroi pse kishte ftuar sot Kryetarin e Grupit Parlamentar të PS.
“S’ka pasur asnjë ftesë të tillë për PS si PS se do i bëhej o kryetarit të partisë që ka dhe shumë angazhime të tjera të rendësishme ose sekretarit të përgjithshëm të partisë. Ka pasur një kërkesë informale le të themi por dhe zyrtare le ta quajmë nuk u bë kiameti por s’ka qenë ftesë zyrtare për një konsultë me kryetarin e shumicës në Kuvend që është zoti Balla meqenëse kemi pasur disa dilema të interpretimit të ligjit apo procedurave për datën e zgjedhjeve,” tha Presidenti i Republikës duke shtuar se sikur të kishte bërë ftesa për partitë do i drejtohej të gjitha forcave politike.
“Qëllim i ka qenë që brenda afateve, s’ka të bëjë me kandidatët e forcat por dhe me përgatitjen e KQZ për administrimin e procesit, se bëhet fjalë për 6 njësi që nisin në Theth e përfundojnë në Lushnje. Konsultimi kryesor përvecse me ligjin dhe institucionet zyrtare që kanë kthyer përgjigje, e sot Gjykata Kushtetuese do na dërgojë dhe besoj se duhet të jepja një sqarim me zotin Balla si përfaqësues i shumicës në Kuvend për një mendim të Komisionerit Shtetëror të Zgjedhjeve Celibashi që cdo ditë më shumë kohë për KQZ do ishte ndihmuese,” tha Meta duke u munduar ta luaj rolin e liderit ndonëse ndikimi i tij në jetën politike tashmë më shumë afër zero zeros.
Gjithsesi, Meta e pranoi me këtë rast se mori garanci nga Kryetari i Grupit Parlamentar të PS, Taulant Balla, që mazhoranca është gati për zgjedhje në 6 mars dhe nuk do t’i bojkotojë.
“Nuk do të donim të kishim debate të paktën me shumicën për çdo diksutim ligjor apo procedurial. Të ndaj edhe me ju një shqetësim të fundit që kisha, thashë mos kushedi shumica bojkton zgjedhjet, edhe a do t’ia vlente një proces i tillë. Mora garanci nga z.Balla që ata janë të gatshëm në cdo kohë për zgjedhjet dhe mirëkuptojnë cdo vendim për datën. Nuk ka pasur konsultim me partitë, ka pasur një konsultim me përfaqësuesit e shumicës në Kuvend,” tha Ilir Meta ndërsa sqaroi pse nuk ka arsye të zhvilloj takime me përfaqësues të opozitës
“Nuk ka arsye përse të ketë. Nuk kemi përse të spekullojmë. Po të kishte konsultime me partitë do t’ia bëja ftesën kryetarit të partisë ose sekretarit të përgjithshme. Kam patur vetëm një shqetësim mos kushedi i bojktonte shumica. “Opozita nuk mund të ankohet pse i jep një ditë më shumë apo një javë më shumë për t’u përgatitur. Z. Taulant është i madhërishëm është përfaqësues edhe i shumicës, por i cakton vendin edhe pakicës.“
