Rusia kërcënon me ndalimin e “France 24” dhe “Deutsche Welle”
Moska zyrtare ka bërë të ditur se mund ti anuloj licencat e transmetimit TV France 24 dhe Deutsche Welle, për shkak të, siç thuhet, shkeljes së ligjit rus të mediave.
Këtë e bënë të ditur Agjencia ruse “Roskomnadzor” vetëm një ditë pasi Agjencia franceze për mbikëqyrjen e mediave i ka dërguar një reagim të ashpër kanalit televiziv satelitor RT, për shkak të një raporti i cili mashtronte mbi gjoja sulmet me armë kimike në Siri, raporton Agjencia e lajmeve AP.
Agjencia franceze thekson se përkthimi i komenteve të sirianëve, të cilat i transmetoi RT ishin të pasakta.
RT France, në raport e pranonte gabimin në përkthim në gjuhën franceze të komentit të sirianit si dëshmitar okular, por thekson se fjala është thjeshtë për gabim teknik, i cili ndërkohë është korrigjuar.
Sot Agjencitë ruse të lajmeve raportojnë komunikatën e “Roskomnadzor” se përmbajtja të cilën e transmeton France 24 “nën kontrollin e një entiteti të huaj juridik”, shkel ligjin e vitit 2015, sipas të cilit, entitetet e huaja nuk mund të kontrollojnë më shumë se 20 për qind të mediave që transmetojnë program në Rusi.
Sipas Agjencisë Interfaks, “Roskomnadzor” mund të kërkoj nga gjykata që entitetit rus të Komunikimit mediatik ti merret licenca për transmetim të programit France 24 në Rusi.
Drejtorja e RT, Margarita Simonyan për RIA Novosti tha se “për dallim nga të tjerët, Rusia mund të përballojë luksin e masave reciproke”.
Ndryshe, Agjencia franceze për mbikqyrjen e mediave, CSA, nuk i ka futur sanksionet kompanisë mediatike RT për shkak të raportit mbi Sirinë, por ka kompetenca që ti vëjë gjobë ose ti marrë licencën për transmetim.
Ndërkohë Këshilli i Dhomës së lartë pranë Parlamentit rus ka bërë të ditur sot se nga “autoriteti rregullator” do të kërkoj ta shqyrtojnë respektimin e ligjit rus nga Deutsche Welle, thekson Agjencia ruse e lajmeve RIA Novosti.
Zëdhënsja e ministrisë ruse të Punëve të Jashtme, Maria Zakharova ka bërë të ditur se Deutsche Welle ka publikuar artikuj “ofendues” nëpër rrjetet sociale.
Edhe më parë Moska ka përdor ligjet mbi rregullimin e pronësisë mbi mediat duke kërcënuar mediat e huaja me largim, që ishte përgjigje ndaj vendimeve të qeverive të huaja kundër RT, kujton Agjencia e lajmeve Reuters.
