LSI i ikën një deputet, bashkohet me Ramën/ ‘Shpërthen’ Kryemadhi…

Një deputet i LSI-së është larguar nga rradhët e kësaj partie. Bëhet fjalë për deputetin e LSI-së në qarkun e Fierit, Robert Bitri, i cili është larguar nga grupi parlamentar i LSI-së dhe është rregjistruar si deputet i pavarur.

Në lidhje me këtë çështje ka reaguar Monika Kryemadhi, Kryetare e LSI-së, sipas të cilës “Edi Rama ka kohë që mundohet të joshë politikanë, gazetarë dhe biznese, që i përdor dhe pastaj i flak”.

Kryemadhi theksoi se çështja e konvertimit të mandateve është bërë demode, por Rama sado që të bleje nuk do të arrijë të shpëtojë dot nga rruga e zullumit ku është futur.

“ Ai i ka numrat në parlament por janë lëvizje që i bën për të tërhequr vëmendjen e opinionit publik”, tha Kryemadhi, ndërsa i uroi Bitrirt suksese në bizneset e tij.