KQZ miraton kërkesat e 11 partive për garë më 6 Mars. Nesër afati i regjistrimit koalicioneve

Komisioni Qendror i Zgjedhjeve, KQZ, sot ka regjistruar 11 parti për zgjedhjet e 6 Marsit në 6 bashki: PS, PD, LSI, LRE, FRD, PKDSH, PDK, PRDSH, PBD, PLL, PBKD.

“Meqënëse jemi dakord me projekt aktet e propozuara, i miratojmë. Miratohet regjistrimi si subjekt zgjedhor për zgjedhjet e pjesshme të 6 Marsit 2022 i Partisë Socialiste, Partisë Demokratike, Lëvizja Socialiste për Integrim, Lëvizja e Re, Fryma e Re Demokratike, Partia KristianDemokrate, Partia Demokristiane, Partia Reforma Demokratike e Shqipërisë, Partia Bashkimi Demokrat, Lëvizja Legaliteti, dhe Balli Kombëtar Demokrat”, tha Komisioneri Shtetëror i Zgjedhjeve, lirjan Celibashi.

Nga vendimi i sotëm i KQZ, tashmë është e qartë se Partia Republikane e Fatmir Mediut, LZHK e Dashamir Shehit, Partise Agrare Ambientaliste e Agron Dukës, PDIU e Shpëtim Idrizit dhe PBDNJ e Vangjel Dules nuk do marrin pjesë në garë.

Ndryshe, më 6 Mars zhvillohen zgjedhjet e pjesshme vendore për kryetarët e Bashkive: Durrës, Vorë, Shkodër, Dibër, Rrogozhinë dhe Lushnjë.

Nesër është afati i fundit për të dorëzuar kërkesat për regjistrimin e koalicioneve.

Partitë e regjistruara nga KQZ

Partia Socialiste (PS)

Partia Demokratike (PD)

Lëvizja Socialiste për Integrim (LSI)

Lëvizja e Re (LRE)

Fryma e Re Demokratike (FRD)

Partia Kristian Demokrate (PKDSH)

Partia Demokristiane e Shqipërisë (PDK)

Partia e Reformave Demokratike e Shqipërisë (PRDSH)

Partia Bashkimi Demokrat (PBD)

Partia Lëvizja e Legalitetit (PLL)

Partia Balli Kombëtar Demokrat (PBKD)