Bie qeveria proserbe e Malit Zi

Me 43 vota për Parlamenti i Malit Zi ka votuar mosbesimin e Qeverisë.

Debati rreth votëbesimit të qeverisë të cilën e propozoi koalicioni “E bardha në të zezë” dhe opozita ishte shumë i ashpër ndonëse u zhvillua pasi Kryeministri Krivokapiç me ministrat e tij e braktisën seancën.

Deputetët e Frontit Demokratik dhe Lëvizjes për Ndryshim, Partisë Popullore Socialiste dhe Demos braktisën seancën para procesit të votimit ndërsa deputetët e Malit Zi Demokratik votuan kundër mosbesimit të qeverisë.

Për mosbesimin e qeverisë votuan 43 nga 54 deputetë, dhe 11 votuan kundër, pas të cilit proces të votimit deputeti i partisë Mali i Zi i Vërtetë, Marko Milaçiç, reagoi shumë ashpër duke e cilēsuar tradhti.

Pas rrëzimit të Qeverisë, tani pritet lëvizja e radhës e kreut të partisë URA, Dritan Abazoviç, i cili pritet të votohet për Kryeministër nga partitë tē cilat votuan për mosbesimin e qeverisë.