Masat Anticovid pësojnë ndryshime, Komiteti i Ekspertëve: Hiqet ora policore…

Pas konstatimit të një situate më të favorshme epidemiologjike ku është vënë re një ulje e ndjeshme e numrit të prekurve me COVID-19, sot Komiteti Teknik i Ekspertëve vendosi të ndryshoj masat Anticovid me qëllim të parandalimit të pandemisë.

Me përfundimi e mbledhjes së Komitetit Teknik të Ekspertëve, Zv/Ministrja e Shëndetësisë dhe kreu i këtij Komiteti, Mira Rakacollitha se masat e vendosura do të vijojnë të mbeten në fuqi, me përjashtim të orës policore, e cila do të hiqet.

“Kemi një situatë më të favorshme epidemiologjike. Niveli i masave vijon të mbetet i tillë:

– Të infektuarit me Covid do të qëndrojnë të izoluar për 5 ditë, dhe jo 10 ditë siç ishte më parë;

– Vaksinimi është i këshillueshëm nga mosha 12 vjec për të gjithë fëmijët;

– Për qytetarët që hyjnë në Shqipëri mbetet në fuqi paraqitja e vaksinës;

– Në aeroporte do të vijojnë të lejohet të qëndrojnë vetëm pasagjerët që udhëtojnë, që do vijojnë të mbajnë maskën;

– Maska do të mbahet në të gjitha ambjentet e mbyllura;

– Në fuqi mbetet masa me 30 % të kapacitetit të hapësira ku zhvillohen grumbullime apo festa

– Ora policore hiqet,” u shpreh kreu i Komitetit Teknik të Ekspertëve, Mira Rakacolli.

Ndryshe, në raportin e fundit dje Ministria e Shëndetësisë raportoi se pas testimit të 2.030 personave të dyshuar gjatë 24 orëve të fundit 139 prej tyre rezultuan pozitiv me COVID-19 duke e çuar në 271.702 numrin e të prekurve me koronavirus në Shqipëri. Duke përditësuar të dhënat, Ministria e Shëndetësisë raporton se 3 qytetarë kanë humbur betejën me koronavirusin gjatë 24 orëve të fundit ndërsa janë shëruar 431 pacientë.