Sofja dëbon 10 diplomatë rus, në Tiranë Ambasada ruse sulmon Ish-Presidentin
Shteti më kriminal në botë, Rusia, nuk sulmon vetëm Ukrainën, por të gjitha ato shtete me qeveri të brishta, siç ndodhi sot në Tiranë; Në ditën kur në Sofje 10 diplomatë u urdhëruan të largohen nga Bullgaria brenda 72 orëve.
“U habitëm nga fjalët e Sali Berishës se 10 vjet më parë ai refuzoi rryshfetin gjoja të propozuar nga Gazprom për zhvillimin e projekteve energjetike në Shqipëri. Na lind natyrshem pyetja: sa kërkoi zoti Berisha që as Gazpromi nuk mundi t’i mbledhë dot ato “shuma përrallore”?” thekson Ambasada e Rusisë në Tiranë përmes rrjetit social Facebook pas denoncimit që Ish-Presidenti Sali Berisha bëri dje me rastin e fillimit të punës së gazsjellësit TAP, duke deklaruar se Gazprom i kishte ofruar një investim në Shqipëri prej 4 miliardë dollarësh nëse Berisha vendos për gazsjellësin Nabucco.
Nuk e është e qartë pse u habit Ambasada e Rusisë në Tiranë kur Ish-Presidenti Sali Berisha nuk foli për një shtet demokratik por për shtetin më kriminal në botë.
Dhe nuk është e qartë pse Ambasada e Rusisë e hoqi postimin nga muri i saj në Facebook pasi ai bëri xhiron e botës, dhe harroi ta heq nga Albumi i fotove. Apo thjeshtë janë primitiv!
Pse sillen kështu, përgjigja nuk mund të kërkohet në Ambasadën e Rusisë në Tiranë por në Zyrën e Kryeministrit Edi Rama, sepse Moska është e qartë se ku po vepron ndryshe nga shtetet demokratike ku pret nga dritarja se kur do tu vijë vendimi dhe sa diplomatë duhet të largohen .
Ndryshe, sot Sofja urdhëroi largimin e 10 diplomatëve rus brenda 72 orëve sepse janë marrë me aktivitete që nuk janë në përputhje me statusin e tyre diplomatik.
Ministria e Jashtme bënë të ditur se Kryeministri Kiril Petkov ishte konsultuar lidhur me këtë vendim dhe më pas është informuar Ambasadorja ruse në Sofje.
Kjo është vala e radhës së dëbimit të diplomatëve rus, pas vendimit të 2 Marsit ku dy diplomatë u urdhëruan të largohen pas akuzave për spiunim ndërsa në tetorin e vitit 2019 tetë diplomatë rus u dëbuan gjithashtu nën akuzën e spiunimit.
Përveç Bullgarisë, është dhe Lituania e cila ka urdhëruar katër diplomatë rusë që të largohen nga shteti e Letonia dhe Estonia kanë thënë se do të dëbojnë nga tre diplomatë rusë.
Ndërsa Sllovakia të hënën ka dëbuar tre diplomatë rus duke u bazuar në informacionet e shërbimin sekret sllovak.
