Video/ Furnizimi i Evropës me gaz, Putin: Pagesa vetëm në rubla!
Presidenti i Rusisë, Vladimir Putin, tha sot se furnizimi i “shteteve armike” me gaz, siç janë anëtaret e BE dhe SHBA, do të pranohet pasi të jetë paguar vetëm me valutën ruse, rublën.
“Nuk ka kuptim që me të mirat tona furnizojmë Bashkimin Europian dhe Shtetet e Bashkuara dhe pagesën e pranojmë në dollarë, euro dhe valuta tjera. Për këtë arsye kam vendosur të urdhërojë një pako të masave në mënyrë që sa më parë që është e mundur të bëhet transferta e pagesave në rublën ruse, dhe të fillojmë me gazin tonë natyror, për të cilin kemi porosi nga të ashtuquajturat shtete armike. Kjo do të thotë se do të refuzojmë të përdorim valuta të kompromituara në transferta të tilla,” tha Vladimir Putin, raporton RIA Novosti.
Путин объявил, что теперь за российский газ недружественные страны будут платить в рублях:
— Кремлевский пул РИА (@Kremlinpool_RIA) March 23, 2022
«Поставлять наши товары в ЕС и США, и получать оплату в долларах и евро не имеет смысла» pic.twitter.com/fKR2xetxEg
Në fund, Presidenti i Rusisë, Vladimir Putin, sqaroi se furnizimi me gaz do të vazhdojë në përputhje me sasitë dhe çmimet që janë specifikuar në kontratë duke shtuar se Urdhëri përkatës do ti dërgohet Gazpromit.
Pas kësaj mase të publikuar nga Vladimir Putin, e përditshmja britanike The Guardian vlerëson se bëhet fjalë për lëvizjen e marrë me qëllim të shpëtimit të rublës, e cila ka pësuar rënie drastike pasi Putin nisi luftën në Ukrainë.
Mediat ruse në shërbim të regjimit, raportojnë se në tregjet moskovite të kapitalit është rritur rubla pas këtij vendimi të Presidentit të Rusisë, Vladimir Putin.
