Zgjedhjet në PD, 18 Degë me Kryetarë të rinj

Në 18 Degë të Partisë Demokratike sot është zhvilluar procesi zgjedhor për kryetarët e ri. Pas numërimit të votave janë publikuar dhe rezultatet përfundimtare. 

Kështu, Kryetar i ri i Partisë Demokratike në Degën e keqpërdorur deri në ekstrem nga Lulzim Basha, Kukës, është zgjedhur Admir Sinamati me 91 për qind të votave.

PD Dega Has tashmë Kryetar të ri ka Elez Maçin i cili ka marrë 539 vota nga gjithsej 1.016 votues sa morën pjesë në procesin e votimit.

Në Kamëz, ku ishte një garë e fortë, fitues është shpallur Arjan Hoxha i cili mori 51 për qind të votave.

Demokratët e Kavajës vendosën që për Kryetar të ri ta zgjedhin Hysen Kadiun i cili mori 539 vota nga gjithsej 1.085 sa morën pjseë në procesin e votimit ndërsa 8 vota u shpallën të pavlefshme.

Në PD Dega Cerrik fitues është shpallur zonja Nadire Asllani e cila ka marrë 78 për qind të votave. 

Në Partinë Demokratike Dega Patos, demokratët nuk ishin të qartë vetëm kundër demagogjive të Lulzim Bashës por dhe në përzgjedhjen e Kryetarit të ri, ku Shezaim Ymeraj mori 69 për qind të votave. 

Në Memaliajn demokratët vendosën që Kryetari i ri të jetë Bujar Kapllani i cili mori 87.7 për qind të votave.

Në Tepelenë, Krytari i ri i Degës është zgjedhur Malo Sadikaj i cili mori 87 për qind të votave. 

Ndërkohë në Përmet procesi zgjedhor përfundoi pa të papritura dhe Arson Lipe mori 81 për qind të votave.

Në Partinë Demokratike Dega Këlcyrë, Kryetar i ri u zgjodhë Arjan Kasaj i cili mori 92 për qind të votave. 

Kryetari i ri i Partisë Demokratike Dega Gjirokastër është shpallur fitues Eris Shehaj i cili mori 53 për qind të votave.

Në Vlorë, Kryetar i ri i Degës është Atird Hoxha i cili mori 540 vota nga 818 gjithsej 818 votues sa morën pjesë në procesin zgjedhor. 

Në Pogradec, në një garë të fortë, Genti Çela u zgjodhë Kryetari i ri me 54 për qind të votave.

Ndërsa në Sarandë, përballë 3 avokatëve fituese doli arkitektja Manjola Nikollo e cila mori 73 për qind të votave.

Ndërkohë në Kryeqytet, Dega Nr.13 zgjodhi Arsen Vasilin për Kryetar të ri i cili mori 61 për qind të votave

Partia Deemokratike Dega Nr.3 Tiranë ka zgjedhur Kryetarin e ri, Gëzim Demushin i cili mori 81 për qind të votave. 

Në PD Dega 9 në Tiranë, Eda Grimci u zgjodh Kryetare e re me 259 vota nga gjithsej 473 sa morën pjesë në procesin e votimit dhe 2 vota u shpallën të paflefshme.

Ndryshe, Komisioni i Rithemelimit ka bërë të ditur se zgjedhjet për kryetarët e degëve të PD do të përfundojnë më 20 prill. 10 ditë më pas mbledhet Kuvendin Kombëtar, me përfundimin e të cilit fillon procesi për zgjedhjen e Kryetarit të ri të Partisë Demokratike.