Shpërdoroi detyrën, GJKKO dënon Ish-Drejtorin e Burgut 313

Gjykata e Apelit të Posaçëm Kundër Korrupsionit dhe Krimit të Organizuar, GJKKO, ka dënuar me 2 vite e 6 muaj burg Ish-Drejtorin e Burgut 313 Jordan Misja, Eduart Struga.

Me vendim të formës së prerë, Gjykata e Apelit të Posaçëm, ka lënë në fuqi edhe vendimin për dy të pandehurit e tjerë, raporton BW, përgjegjësin e sektorit të logjitsikës Florjan Ahmetaj, i cili u dënua me 4 vite burg për akuzën e korrupsionit, si dhe biznesmeni Ervin Kurtulla me 3 vite burg, si i përfshirë në skemën korruptive.

Ndryshe, Eduart Struga së bashku me 2 personat e tjerë u arrestuan në 2020 si të përfshirë në një skemë korrupsioni me tendera për ushqimet në burgun 313. Vetëm 6 muaj në detyrë, Struga u arrestua me vendim të Ministrisë së Drejtësisë.