“Me sëmundje të rëndë”, Gjykata e Lartë refuzon kërkesën e Adriatik Llallës

Gjykata e Lartë ka refuzuar kërkesën e Ish-Prokurorit të Përgjithshëm, Adriatik Llalla për pezullimin e dënimit të tij me 2 vite burg, i dhënë nga Apeli i Posaçëm.

Adriatik Llalla i cili u ndalua në Itali ku dhe iu mohua kërkesa për azil por nuk është ekstraduar ende, pretendon se vuan nga një sëmundje e rëndë, e cila mund të përkeqësohet në rast izolimi në burg, drejtuesi Arben Kraja i cili përfaqësonte SPAK-un në Gjykatën e Lartë tha se kjo sëmundje nuk e ka penguar që të ushtrojë detyrën e prokurorit.

“Sëmundja e Llallës është një fakt i njohur prej kohësh, por kjo nuk e ka penguar të kryejë detyra të rëndësishme shtetërore,” tha Arben Kraja.

Ndryshe, Ish-Prokurori i Përgjithshëm, Adriatik Llalla, u shpall fajtor për mosdeklarim dhe fshehje pasurie në 3 raste. Gjithashtu gjykata i konfiskoi një apartament në Durrës dhe rreth 22 mijë m2 tokë arë ne periferi të Tiranës ndërsa akuzua se nuk ka dekalaruar shpenzimet për ndërtimin e katit të tretë të banesës, shkollimin e vajzës së tij në Gjermani si dhe një shumë prej rreth 7.000 $ për lindjen e djalit.