Ndarja nga jeta e Nishanit, Sekretari Shtetit: Kontributet e tij në marrëdhëniet SHBA-Shqipëri…

Duke ndarë dhimbjen e popullit shqiptar për ndarjen nga jeta të Ish-Presidentit Bujar Nishani, Sekretari i Shtetit, Antony Blinken, thekson se kontributet e tij në marrëdhëniet SHBA-Shqipëri lënë pas një trashëgimi jetëgjatë.

“Ne ndajmë dhimbjen e popullit shqiptar për ndarjen nga jeta të ish-Presidentit Bujar Nishani,” thekson Sekretari amerikan i Shtetit, Antony Blinken, në mesazhin e tij duke shtuar:

“Kontributet e tij në marrëdhëniet SHBA-Shqipëri dhe partneritetin tonë të qëndrueshëm lënë pas një trashëgimi jetëgjatë.”

Ndryshe, Ish-Presidenti Bujar Nishani ndërroi jetë më 28 Maj në një spital në Gjermani ku ishte duke u trajtuar nga data 21 Prill si pasojë e komplikacioneve të shkaktuara nga koronavirusi.

Bujar Nishani ishte zyrtar i lartë i PD, ministër i Brendshëm dhe ministër i Drejtësisë ndërsa President i Republikës në periudhën 2012-2017.

Ai la pas gruan, zonjën Odeta Nishani dhe dy fëmijët, Ersi dhe Fiona.