Rusët vjedhin historinë, vendi i tyre kurrë nuk është quajtur Rusi

Rusia vjedhë historinë e të tjerëve, duke filluar nga emri i saj, tha deputeti i Ukrainës, Andrej Iljenko për TV “112 Ukraina” duke komentuar riemërimin e njësiteve ruse për nder të paaardhësve të tyre që kanë kontribuar gjatë Luftës së II-të botërore.

“Rusia po vjedhë historinë e të tjerëve, ky është fakt, duke filluar nga emri i saj  ‘Rusia’, të cilin e ka përvetësuar,  sepse kurrë nuk është quajtur ‘Rusi’. Para  Petrit I ajo është quajtur ‘Moskovia’. Merrni hartën nga ajo periudhë: Rusia është Ukrainë, e Moskovia është Moskovia. E prej se e ka vjedhur emrin tonë dhe historinë është shfaqur Perandoria Ruse,” ka përfunduar Iljenko.

Ndryshe, Presidenti i Rusisë kohë më parë me dekret ka përcaktuar emërtimet për disa njësite ruse për nder të njësiteve nga Lufta e II-të botërore. P.sh. Regjimenti i 68 i tankeve është bërë Regjimenti i Gardës Zhitomir-Berlinit, Divizioni i 90-të i tankeve tani quhet Divizioni i 90-të i Gardës Vitebsko-Novogorodska.

Më vonë shefi i Shtabit të Forcave Ushtarake  të Ukrainës, Viktor Muzhenko, lëvizjet e Putinit i quajti sinjal i qartë për Ukrainën dhe botën se Rusia  nuk do të ndaloj në Donbas dhe Krime.