VIDEO/ Basha paralajmëron Ramën: Hiq dorë nga grabitja e pronës së Teatrit, po i hap luftë popullit

Kryetari i PD-së, Lulzim Basha, e cilësoi si një akt kundër kujtesës së qytetit shembjen e godinës së Teatrit Kombëtar. Ai tha se regjimi nuk duhet të na kompleksoj, pasi fjala politikë do të thotë të kujdesesh për fatet e qytetit, ndërsa idiot do të thotë, sipas greqishtes, të mos kujdesesh për fatet e qytetit.

“Projeti për shembjen e Teatrit Kombëtar është projekt i narko-mafias, narko-Kryeministrit. Nuk ia ka dalë në 20 vjet që ta bëjë këtë, edhe për shkak të disa socialistëve, që sot i shoh kokëulur, sikundër është Pandeli Majko.

Por sot ai është kryegjykatës, kryeprokuror, kryeredaktor, dhe ky projekt këtu është ai i grabitjes dhe pasurimit me 200 milionë euro. Është projekt i vjedhjes së pronës publike, është projekti që synon të pastrohen paratë e drogës. Po ekzekutohet përfundimisht shteti ligjor, është asgjesuar Gjykata Kushtetuese, ndaj edhe sot përshpejtojnë për vjedhjen. Vetëm hajdutët kanë ngut, sepse ata kanë frikë”, tha Basha.

Sipas kreut të PD, ligji i propozuar është unik në Europë, është ligji droga, Fusha-Rama-vjedhja.

“Hiq dorë sa nuk është vonë nga nismat anti-kushtetuese, po i shpall luftë popullit, dhe unë jam i bindur që populli dhe ne do të dimë si të përgjigjemi. Numrat sot në Kuvend i ka narko-shteti, por ne do t´I bëjmë presion Presidentit që të mos dekretojë ligjin dhe nëse mazhoranca do të vazhdojë të mos heqë dorë, atëherë do e mbrojmë me trupat tanë”, tha Basha.