FIFA përjashton gjyqtarin gjerman pas ankesave të serbëve/ Ja vendimi…

FIFA ka marrë parasysh ankesat e ekipit të Serbisë lidhur me ndeshjen mes kombëtares së tyre dhe asaj të Zvicrës, e fituar nga helvetikët me rezultatin 2-1 me gola të Xhakës dhe Shaqirit.

Por serbët pretendonin se gjyqtari gjerman Felix Brych, i ka mohuar një 11 metërsh ekipit të tyre, madje kanë bërë edhe një ankesë zyrtare.

Në këtë mënyrë shpresat që Brych të drejtonte finale e Kupës së Botës kanë marrë fund, pasi ai do të duhet të lërë Rusinë të enjten.

Më parë, gazeta “Bild” kishte raportuar për këtë rast.

Brych kishte referuar ndeshjen kontraverse mes Zvicrës dhe Serbisë në Botëror dhe vazhdimisht është sulmuar nga skuadra serbe për një penallti që nuk i ishte dhënë. Kjo kishte bërë që ata të protestojnë ashpër në FIFA. Edhe pse ish gjyqtari italian, Pierluigi Colina, që është shef i gjyqtarëve në FIFA, konsiderohej si një mbështetës i Brych, ai nuk ka arritur që ta mbrojë atë.

 “Nëse kritikohen madje bëheni edhe problem politikë, atëherë e keni vështirë për të drejtuar një turne ndeshjeje”, kishte thënë njëri prej gjyqtarëve më të njohur te Botërorëve, Markus Merk për agjencinë gjermane të lajmeve DPA, para se FIFA të merrte këtë vendim.

Deri me tani, vetëm Rudolf Glöckner është i vetmi gjyqtar gjerman që ka drejtuar  një finale, që ishte dueli Brazi;-Itali më 1970. Kurse Siegfried Kirschen ishte i fundit që drejtojë një çerekfinale 32 vite më parë.

Top kandidatët për finale tani konsiderohen, senegalezi Malan Diedhioi dhe Alireza Faghani nga Irani. Holandezi Björn Kuipers që do të referojë ndeshjen Angli – Suedi, kurse Nester Pitana i Argjentinës do të referojë cerekfinalën tjetër Uruguai – Francë që është ndeshja e tij e katërt në Rusi.

Ndërkohë dy gjermanë do të jenë në VAR dhe ata janë Felix Zëayer dhe Bastian Dankert.