VIDEO/ Nis protesta e opozitës para Kuvendit në mbrojtje të Teatrit…

Disa qindra mbështetës të opozitës janë mblehdur para Parlamentit të Shqipërisë për të kundërshtuar draftin ligjor të qeverisë që i hap rrugën shembjes së Teatrit Kombëtar dhe parashikon ndërtimin e një godine të re dhe disa kullave shumëkatëshe.

Protestuesit pritet të jenë në mbështetje të deputetëve të PD-së që do të kundërshtojnë brenda sallës së Kuvendit miratimin e draftit, që kaloi me proçedurë të përshpejtuar.

Në krye të protestës qëndrojnë aktorët dhe artistët, që e cilësojnë ligjin anti-kombëtar që godet simbolet e këtij vendi.

“Jemi këtu të mbrojmë dy institucione shumë të rëndësishme siç janë Teatri Eksperimental dhe ai Kombëtar”, tha një prej të pranishmëve.

Ndërkohë policia është grumbulluar pranë godinës së Kuvendit.