Vjosa Osmani dhe Albin Kurti drejt Washingtonit

Presidentja e Kosovës, Vjosa Osmani Sadriu, së bashku me Kryeministrin Albin Kurti, kanë udhëtuar për në Washington D.C. ku do të marrin pjesë në ceremoninë e organizuar në Kongresin amerikan për firmosjen e marrëveshjes me Korporatën e Sfidave të Mijëvjeçarit, MCC, për Programin Kompakt të Kosovës.

Gjatë qëndrimit në Washington, Presidentja Vjosa Osmani dhe Kryeministri Albin Kurti do të zhvillojnë edhe takime të tjera bilaterale, thuhet në një komunikatë nga Zyra e Presidencës.