Sulmi në Uzinën e Armatimeve në Gramsh, spiunët rus u tradhtuan nga aparatet fotografike

Dyshimet se 2 rusët dhe ukrainasi i ndaluar pas sulmit në Uzinën e Armatimeve në Gramsh, janë pjesë e një rrjeti spiunazhi në Rusi, tashmë kanë avancuar.

Ishin aparatet e 2 shtetasve rusë dhe ukrainasit, të arrestuar nga Prokuroria e Elbasanit, nën dyshimet për spiunazh, që kanë zbuluar përveç pamjeve të Uzinës në Gramsh, edhe pamje të institucioneve të rëndësisë së veçantë.

Gjithashtu në celularët e tyre janë zbuluar komunikime me shtetas, të cilët ka dyshim të forta se janë të përfshirë ose të rekrutuar nga Shërbimet Inteligjente, raporton BW.

Dyshimet se ato janë të përfshirë në spiunazh shtohen edhe më tej pasi dy rusët dhe ukrainasit hynë në Shqipëri në tre drejtime të ndryshme përgjatë muajit gusht, nga Aeroporti i Rinasit, Porti i Durrësit dhe pika e Kalimit Kufitar të Muriqanit.

Kështu, Svetlana Timofoeva, 33 vjeçe hyri para 4 ditëve nga Rinasi, dhe Mikhail Zorin nga Muriqani dhe 25-vjeçari ukrainas Fjodor Mihajlov me makinën “Chevrolet” nga Porti i Durrësit.

Burime pranë grupit të hetimit, thanë për BW, se 3 të rinjtë, që pretendojnë se janë blogerë dhe se në Shqipëri kishin ardhur për turizëm, bazën e kanë pasur në Tiranë dhe kanë lëvizur në vende të ndryshme, përfshirë edhe në uzinën. Po ashtu, ka fakte të forta se ata kanë qenë edhe në Poliçan. Kujtojmë se një prej rusëve, konkretisht Mikhail Zorin sulmoi me sprai paralizues dy ushtarë që ruanin uzinën e armatimeve në Gramsh.