Ligji për Teatrin/ PD-LSI kërkojnë anullimin e votimit, ja pretendimet e Spahos dhe Vasilit

Dy partitë opozitare, PD dhe LSI, i kërkojnë kryeparlamentarit Gramoz Ruçi, të anullojë votimin për ligjin për Teatrin, me pretendimin se është i fallsifikuar.

Kjo për faktin se nga lista e deputetëve që rezultojnë të ketë votuar pro është edhe Vangjel Tavo, deputet i LSI-së, i cili nuk ka qenë prezent në seancën plenare.

Nisur nga ky fakt, kryetarët e dy grupeve parlamentare, Edmond Spaho dhe Petrit Vasili, përmes një shkrese zyrtare drejtuar Ruçit theksojnë se “ky akt përbën një manipulim banditeskt dhe vjedhje votash edhe brenda sallës së Kuvendit, nga po ata që me ligj po duan të vjedhin edhe pronën publike”.