Aleati i reformës i propozoi 91 bashki, Balla: I qëndrojmë hartës territoriale që kemi!
Ndonëse me konstituimin e Komisionit të Posaçëm të Reformës Territoriale u krijua ideja se Kryeministri Edi Rama po i hap terren aleatit të vetëm që ka në parlament, të përqëndruar rreth politikës së Lulzim Bashës, sot Kryetari i Grupit Parlamentar të PS, Taulant Balla, iu përgjigj me përbuzje propozimit të tyre për 91 bashki dhe 6 rajone.
“Ka pasur propozime edhe për zvogëlim dhe zmadhim të numrit të bashkive, kështu nisur edhe nga fakti që 7 vite kanë kaluar nga reforma e fundit dhe të gjitha shërbimet publike janë prëmirësuar, është përmirësuar edhe shërbimi online, duke rritur aksesin e qytetarëve, kemi konkluduar që pozicioni ynë në Komisionin e Posaçëm të Reformës Territoriale, do jetë ti qëndrojmë ndarjes aktuale,” tha Taulant Balla duke zhvlerësuar dhe ekzistencën e këtij Komisioni i cili edhe kur u krijua, me përjashtim të deputetëve të mbledhur rreth Lulzim Bashës, e cilësua nga të gjithë si një qokë për shpagimin e luftës kundër Sali Berishës.
Dhe për të konfirmuar mosseriozitetin e këtij grupi të deputetëve që po i tërheq zvarrë Lulzim Basha, reagoi bashkëkryetarja e Komisionit të Posaçëm të Reformës Territoriale, Dhurata Çupi, duke folur me gjuhën e politikanit që e kishin aleatë para lidhjes me Edi Ramën, përgjigja e qytetarëve do të jetë referendumi.
“Vendimi i PS, për të mos ndryshuar hartën territoriale, është tallje me qytetarët që duan ndryshim tê hartës. Është tallje me partnerët që u angazhuan nê proçes. Ështe tallje me parlamentin. Ështe shpërdorim i taksave të qytetarëve, për njê proçes të paracaktuar nga vullneti i Edi Ramës. Edi Rama ka frikë të përballet në një betejë të vertete elektorale dhe kërkon rezultat ne tavoline. Kështu ka bêre në çdo zgjedhje. Kur ndryshoi hartën territoriale në 2015, kur ndryshoi në mënyrë të njëanshme sistemin zgedhor,” tha Dhurata Çupi duke renditur lojërat e Edi Ramës dhe dështimet e Lulzim Bashës nga paaftësia duke vazhduar të flas për qytetarë dhe votues që nuk i ka më as në ëndërr:
“Edi Rama ka frikë nga vota. Përgjigja e qytetarêve do të jetë referendumi. Ne do të kërkojmë referendum për ndryshimin e hartës territoriale. Askush nuk mund të dalë mbi vullnetin e zgjedhësve.”
Ndryshe, të kërkosh 91 bashki nga Edi Rama, njeriu që zhbëri ndarjen territoriale me 100 komuna shumë afër qytetarit, nuk tregon vetëm mosseriozitet por dhe arsye pse Lulzim Basha për 9 vjet nuk erdhi dot në pushtet, pse nuk diti të bëjë marrëveshje më 2017, pse i dhuroi zgjedhjet lokale të vitit 2019, dhe pse lejoi Edi Ramën të bëjë nul Marrëveshjen e 5 Qershorit.
