Albin Kurti në Tiranë, takim me Edi Ramën!
Kryeministri i Kosovës Albin Kurti, ka udhëtuar drejt Tiranës pa ndonjë njoftim paraprak ndërsa u pa të futet në Vilën 31 aty ku pak minuta më parë ishte futur Kryeministri Edi Rama.
“Kryeministri Kurti ka zhvilluar sot një takim pune me kryeministrin e Shqipërisë, Edi Rama. Në këtë takim dy kryeministrat kanë folur për çështjet e politikave publike e qeveritare dhe socio-ekonomike në Kosovë e Shqipëri, me theks të veçantë në sfidat energjetike dhe shkëmbimin që po bëjnë KEK me KESH,” u shpreh për tëvë1 zëdhënësi i Qeverisë së Kosovës, Përparim Kryeziu, për takimin i cili zgjati mbi dy orë.
Duke pasur parasysh faktin se Kryeministri Albin Kurti la në gjysmë konferencën për medie pas takimit me anëtarët e Këshillit Grevist të BSPK-së, me arsyetimin se ka një takim urgjent, sfidat energjetike dhe shkëmbimin në mes KEK dhe KESH përtë cilat foli Kryeziu, nuk arsyetojnë as ikjen nga konferenca për media dhe aq më pak “urgjencën” kur për çështje shumë më të rëndësishme Edi Rama foli me telefon me Sekretarin e Shtetit.
Ndërkohë kundërshtarët politik të Albin Kurtit deklaruan se arsye politike për një udhëtim urgjent të këtij lloji nuk kishte dhe nuk ka, dhe arsye e vetme e vizitës së tij në Tiranë mund të jetë një intervistë televizive me njërin nga dy miqtë e Edi Ramës – moderator!
