Viti i ri akademik nis me bojkot, Pedagogët: Nëse s’reagon kryeministri, protesta do përshkallëzohet

Ashtu siç ishte paralajmëruar, viti i ri akademik në gjithë vendin nisi me bojkotimin e mësimit nga ora 10:00 dhe zgjaTI deri në orën 12:00, për të vijuar më pas mësimi për të vazhduar sërish me protesta në ditët në vijim në pritje të Kryeministrit Edi Rama për të plotësuar kërkesat e parashtruara.

Kreu i sindikatës së pedagogëve, Sandër Kovaçi, shpreson që problemi të zgjidhet brenda javës ndryshe ka paralajmëruar dhe përshkallëzim të protestave.

“Sipas paralajmërimit tonë, sot ka nisur bojkotimi i vitit të ri akademik. Po ta shihni tashmë në orën 10:00, edhe pedagogët janë pajtuar me bojkot. Këtu është 100% bojkoti, nuk ka asnjë në sallën e universitetit. Edhe tek mjekësia është shpallur bojkoti por në disa salla po bëhet mësim sepse rektori nuk e ka respektuar kërkesën tonë . Unë rektorin e quaj oligark, sepse përderisa nuk ka nevojë për rritje rrogash, duhet të jetë oligark. Pra unë i quaj rekotor oligark. Do të vazhdojmë çdo ditë në këtë mënyrë dhe çdo ditë do ketë larmi protestash. Do të jemi këtu tek politekniku dhe më pas edhe tek qeveria. Unë mendoj se është një qëllim i përbashkët, le të bëhemi bashkë në mënyrë që qeveria të shtojë financimin për universiteteve,” tha Kovaçi ndërsa ka sqaruar dhe kontaktet që kanë zhvilluar deri më sot me Kryeministritn dhe ministren e Arsimit:

“Me Kushin kemi bërë bisedime por nuk mendoj se nëpërmjet saj mund të vlerësohen kërkesat tona. Duhet që kryeministri të ngrejë një grup pune. Sot do vinte kryeministri këtu, por e pa se këtu ishte protestë dhe se nuk mund të ballafaqohej me qëndrimet e pedagogëve. Dje u paralajmërua ardhja e tij, por më pas ka menduar që të mos agravojë situatën dhe të mos vijë.

Kostoja do jetë më e lartë për studentët në momentin që marrin një diplomë fallco. Nuk e di sesa do jetë afati,” tha Kreu i sindikatës së pedagogëve, Sandër Kovaçi, duke përfunduar:

“Unë shpresoj që problemi të zgjidhet brenda javës. Do presim reagimin e kryeministrit. Protestat dotë vijnë duke u përshkallëzuar.

Protestën e pedagogëve e ka mbështetë edhe lideri i opozitës Sali Berisha duke e cilësuar sukses të plotë:

“Sukses i plotë i grevës së përgjithshme të Universiteteve të vendit! Nderim për pedagoget, punonjësit dhe studentët e Universiteteve,” shprehet Kryetari i Partisë Demokratike Sali Berisha duke përgunduar:

“Me thirrjen e sindikatave të tyre i dhanë përgjigjen më të merituar cinizmi, arrogancës dhe vjedhjeve të Edi Ramës dhe qeverise së tij hajdute!”

 Ndryshe, në mungesë të vëmendjes nga qeveria për kushtet në të cilat zhvillohet arsimi, pedagogët e universiteteve në mbarë vendin kanë vendosur të protestojnë ndërsa kërkojnë:

-Rritjen e pagës 30 % këtë vit dhe 20 % vitin e ardhshëm si parakusht për të venë sado pak në rrugën e zgjidhjes çështjen e trajtimit dinjitoz të punonjësve të universiteteve, përfshi stafin akademik dhe atë ndihmës.

-Rritjen e financimit për kerkimin shkencor

-Rivendosjen e shtesave mbi rrisqet për dëmtimin e shëndetit në punë.

-Rritjen e shtesës mbi pagën për vjetërsinë në punë.

-Rritjen e pagesës së orëve të ngarkesës suplementare

-Rivlerësimin e orës mësimore pasi ka zbritje prej 50% të pagesës së orës mësimore si rezultat i mosdiferencimit të orës mësimore të leksionit me seminarin.

-Rishikimin e tatimit prej 23% mbi pagesën e ngarkesës suplementare.

-Pezullimin deri me 2026 i zbatimit të doktoraturave të udhëhequra për kriteret e marrjes se titullit “Profesor’

-Bërja transparente e buxhetit dhe te ardhurave të universiteteve publike.