Harroi premtimin pa gjeologji për Rrugën e Arbrit, Rama në Dibër: Po ecim me ritmin e breshkës…

Harroi premtimin për Rrugën e Arbrit, por në vitin e tij të 10 të qeverisjes, Kryeministri Edi Rama nuk harron të thotë para qytetarëve në Dibër, se punimet po ecin me ritmin e breshkës, për shkak të problemeve gjeologjike në tunelin e Murrizit.

“26 mijë turistë në Dibër, e paimagjinueshme deri pak vite më parë , kush do vinte në Dibër nga rruga e llahtarshme, tani është rruga e Arbrit tuneli i Murrizit ka shfaqur një problematike, për arsye gjeologjike, prandaj kompania ecën me ritmin e breshkës, 1 metër në ditë,” shprehet Edi Rama duke harruar se kur qeverisin soacialistët lejohet që probleme gjeologjike mund të ketë edhe në Maqellarë, dhe sërish premton për 4 vjeçarin e radhës ndonëse nuk plotësoi premtimin kryesor për dy 4-vjeçar, ndërtimin e Rrugës Arbrit:

“Me buxhetin e vitit të ardhëm është planifikuar edhe lidhja me Maqellarën që e sjell makinë me rrugën e Arbrit deri në qendër të Peshkopisë, po ecim me rrugën e Lurës dhe lidhëse të Bulqizës me Librazhdin, kemi një problematik shpronësimesh që kërkon kohë dhe para, dhe me fondet nuk jemi në ditët më të mira se po na ha shumë mbrojtja e energjisë elektrike.”