Indi, mbi 100 të vdekur pas rrëzimit të urës

Më shumë se 100 persona kanë vdekur si pasojë e rrëzimit të një ure mbi lumë, në perëndim të Indisë, kanë raportuar soy mediat lokale.

Aksidenti, raporton RFE, ka ndodhur në orët e vona të së dielës në Morbi, qytet në rajonin indian Gujarat.

Mediat në Indi raportojnë se 141 njerëz kanë vdekur dhe 177 kanë shpëtuar, pas rrëzimit të urës, e cila është rinovuar së voni.

Sipas raportimeve në media, numri i të plagosurve ka shkuar në 100. Disa njerëz janë të zhdukur.

Në kohën e rrëzimit të urës, besohet se mbi 500 njerëz kanë qenë mbi të.

Ura ka qenë e gjatë 232 metra. Autoritetet, raporton RFE, kanë thënë se kanë nisur hetimet për këtë rast.

Zyra e kryeministrit indian, Narendra Modi, përmes rrjetit social Twitter shprehet se familjet e viktimave do të kompensohen.