Rama po shkatërron portin shekullor, Berisha: Tani transporti do bëhet nga Mali i Zi dhe Greqia!

Shteti shqiptar, nga ndërmarrja e Edi Ramës me Alabarin, fiton 200 mijë euro në vit, ndërsa aktualisht Porti i Durrësit përpunon 4 mln ton mallra, tha sot Kryetari i Partisë Demokratike, Sali Berisha, duke folur për plaçkitjen e paparë ndonjëherë të pronës publike në Shqipëri, vlera e së cilës është të paktën 3 miliardë euro ndërsa ngrenë alarmin: Edi Rama po shkatërron portin shekullor, dhe transporti tani do bëhet nga Mali i Zi dhe Greqia!

“I gjithë përqendrimi ynë duhej të ishte te buxheti, që përbën normalisht procesin, problemin më kryesor vjetor të një vendi normal. Por kur konstaton se, me një ligj superurgjence, vidhen dy buxhete, kemi të bëjmë në total me shumë miliardë plaçkitje dhe grabitje, kemi të bëjmë me grabitje, vjedhje nga Edi Rama dhe enturazhi i tij më të madhen e këtij vendi të pronës publike.

E tërë historia e Shqipërisë nuk ka regjistruar një plaçkitje të tillë të një prone publike, vlera e të cilës është të paktën 3 miliardë euro. Historia e vendit, as e Europës, nuk ka në analet e veta një qeveritar apo kryeministër që të ketë lejuar vetes me sipërmarrjen e tij, të plaçkisë, të përvetësojë 1 milion metër katror truall i çmimit më të lartë,” tha Sali Berisha duke konstatuar për fat të keq se Edi Rama po shkatërron portin shekullor, dhe transporti tani do bëhet nga Mali i Zi dhe Greqia.

“T’i shkatërrosh vendit portin shekullor, do të thotë të gjobisësh vetëm me transport, qindra e miliona, në mos miliarda euro në vite. Vetëm me transport, i cili do bëhet nga Mali i Zi, portet e Greqisë, dhe pjesërisht nga Vlora. Edhe ajo jo, se ajo është pa port. Të shkulësh portin shekullor, për të cilin është projekti, investimi dhe çdo gjë, dhe të gjobisësh qytetarët shqiptarë me të paktën 2 miliardë euro që kërkon ndërtimi i portit të ri në Porto Romano, sipas specialistëve, dhe që duhet të ndërtohet sipas pronarit të Dubai City në Durrës, duhet të ndërtohet në Porto Romano, sepse ai kërkon që gjithë gjirin e portit ta shndërrojë për jahtin e tij, jahtin e Çuçit të familjes së tij, jahtet e familjarëve. Kjo është e faktuar, cilido i them të referohet se çfarë pësoi porti i Bejrutit. E njëjta skemë. Një mori pallatesh dhe porti para për jahtet e pasunikëve të Bejrutit.”

Në këtë situatë, tha Berisha, shqiptarët do paguajnë 2 miliardë për portin e ri, ndërsa paralajmëroi ngritjen e një komisioni hetimor dhe protesta.

“Nuk ka njohur toka një vjedhje si kjo. Ndërtohet për pasunarët dhe qeveritarët Marina Bay, paguajnë shqiptarët sikur të jenë skllevër rreth 2 miliardë për portin tjetër. Kurse Rama, Olsi dhe Karricët e tyre, sipas asaj që kanë shkruar aty, 60 përqind, se e kanë sekret, 60-përqindëshi nuk mund të jetë kush tjetër përveç Edi Ramës, Olsi Ramës, Bledi Çuçit dhe klanit qeveritar të drogës. Nuk mund të jetë kush tjetër.

Meqenëse Edi Rama po vepron në mënyrë të rrufeshme për kalimin e ligjit për këtë marrëveshje, atëherë edhe ne në mënyrë të rrufeshem të krijojmë komision hetimor parlamentar dhe ta dërgojmë edhe këtë në Gjykatë Kushtetuese. Duhet të parashikojmë edhe tjetër armë që kemi në dorë, protestat e fuqishme kundër kësaj grabitje të tmerrshme,” tha Kryetai i PD duke e cilësuar Portin e Durrësit si pasurinë publike numër një të kombit shqiptar.

“Duhet t’i dalim zot Shqipëria nuk ka asnjë pasuri publike të çmuar sa porti i Durrësit. Asnjë! Porti i Durrësit është pasuria publike numër një e kombit shqiptar. Kaskadën po e nxore në treg nuk ka vlerë në treg as sa gjysma e portit të Durrësit. Aeroportin po e nxore në treg, nuk ka vlerë as sa një e treta e portit të Durrësit.

Porti i Durrësit është pasuria më e madhe publike, në këtë port janë investuar qindra e qindra milionë euro, dollarë. Vetëm së fundmi, janë investuar mbi 70 milionë euro kredi nga Banka Evropiane e Investimeve dhe nga Banka Europiane e Zhvillimit. Janë blerë makineri dhe vinça më ultramodernë, për të kryer, për të përmbushur detyrimet dhe funksionuar me kapacitet të plotë. Dhe, Edi Rama me zonjën Balluku, të verbuar nga babëzia për ta përvetësuar këtë pasuri të madhe, shpallin përvetësimin e saj. A ka goditje më të rëndë për këtë vend se kjo?

Kur me një marrëveshje, ti dëmton të paktën 6 miliardë euro, duke llogaritur ndërtimin e portit të ri, rritjen e kostove të transportit, tani që nuk do funksionojë porti i ri. Kjo është një gjë që shqiptarët nuk mund ta pranojnë kurrë, ndaj dhe ne do bëjmë betejën më të fuqishme ligjore, por do jetë një betejë me protesta, që nuk mund të kenë të ndalur. Duhet t’i dalim zot në emër të çdo shqiptari që e do këtë vend, që vendos të jetojë në këtë vend, që po vuan dhe mezi e përballon jetën, por edhe në emër të atyre që po ikin për këto arsye,” tha lideri i opozitë ndërsa vlerësoi se Edi Rama po merr portin për familjen e tij, e ne duhet ta kundërshtojmë me çdo mjet.

“Aleksandër Vuçiç i jep atij Alabarit një copë breg lumi. Dhe aty ndodh një aferë e madhe, pasi nga 4 miliardë, investohen 20 milionë. Por ky shkatërron portin. Ky e merr për familjen e tij. Kush mund të jetë tjetër që ia fsheh emrin, përveç vetes së tij? Si mund të guxojë ai, nëse nuk është vetë prapa, të fshehë emrat e aksionerëve?

Ka një ligj, ndërkombëtar dhe kombëtar për transparencë, që e detyron atë të bëjë transparencë për çdo aksioner, për çdo pjesëtar të sipërmarrjes. Këta fshihen, se klani Rama është klani më mafioz i Europës. Çfarë bën ai? Ai kalon si sharës ordiner, dhe mendon se duke sharë, do i hutojë shqiptarët. Ky është një hajdut që gojën e përdor për të mbuluar vjedhjet e tij, gojë që e ka vetëm për të mbuluar vjedhjet,” tha Berisha duke shtuar se ky është një krim, mega-krim.

“Krimi më i madh që ka ndodhur ndonjëherë ndaj këtij kombi. Diktatori paranojak i varrosi në bunkere, ky po i shndërron në pasuri personale. Bashkë me Olsin e tij, dhe olsat e tjerë të drogës. Hajdeni, blini apartamentet e mia, thotë ju, live, në themel. Se ua legalizoj unë paratë. Këta janë të lidhura qartazi si drita e diellit.

Ndaj dhe është shumë e rëndësishme, qytetarëve t’u flasim dhe t’u shpjegojmë se çfarë po ndodh në kurriz të tyre. Porti është pasuria më e vlefshme e një vendi, nuk krahasohet me asnjë pasuri tjetër publike. Ndaj dhe ne, duhet ta kundërshtojmë me të gjitha mjetet,” tha Kryetari i Partisë Demokratike duke sjellë në vëmendje se aktualisht Porti i Durrësit përpunon 4 mln tonë mallra, ndërsa nga ndërmarrja e Edi Ramës me Alabarin, shteti shqiptar shqiptar fiton 200 mijë euro.

“Shteti shqiptar, nga ndërmarrja e Edi Ramës me Alabarin, fiton 200 mijë euro në vit. Kaq është sipas ekspertëve të porteve dhe detit. Kjo është Çuçi-pay, se është i apasionuar pas jahteve. Në një kohë kur ai port përpunon sot rreth 4 milionë ton mallra. Tani do na bëhet porti i jahteve të Ramës, Olsit, Çuçin të mos e harrojmë, klientelës së tyre, dhe pastaj do të vijnë edhe disa të tjerë, ortakë të tyre, nga Ballkani dhe Arabia.

Pra, këto janë disa aspekte, kurse fitimi i Edi Ramës dhe Olsi Ramës, i Karriçëve dhe stër-Karriçëve që janë me ta, është përrallor. Ata marrin falas 3 miliardë euro truallin, ata ndërtojnë nga ky, 12600 apartamente, një barbari e vërtetë urbanistike.

E tëra kjo në tërësi, shitje në ajër, shitje në themel, ndaj na duhet edhe amnistia fiskale, të vërshojnë lumenjtë e narko-eurove apo narko-paundëve drejt Shqipërisë. Vetë kompania Rama-Alabara, investon gjithsej 2 ose 3 përqind, më së shumti,” tha Kryetari i Partisë Demokratike, Sali Berisha, para Grupit Parlamentar të PD duke u shprehur qartë se duhen të përgatiten mirë për diskutimin e buxhetit ndërsa përfundoi:

“Sigurisht ky është një proces që lidhet me largimin e Edi Ramës si armik i betuar i votës së shqiptarëve. Në diskutimet për buxhetin, duhet të përgatisim amendamentet, duhet të mbrojmë fuqishëm interesat e qytetarëve, interesat e biznesit, të denoncojmë çdo projektim të buxhetit për oligarkët, të lexohet me vëmendjen më të madhe dhe të kundërshtohet, sepse gjithçka është ndihmë për pushtetin e krimit të Edi Ramës.”