Rama e Tsipras takohen në Londër, pritet…

Kryeministri Edi Rama dhe homologu i tij grek, Alexis Tspras, pritet të takohen të martën në Londër, ku drejtuesit e dy qeverive do të jenë të pranishëm në Samitin e Londrës, në kuadër të procesit të Berlinit.

Mediat greke raportojnë se dy kryeministrat mund të bien dakort për një datë lidhur me nënshkrimin e marrëveshjes mes dy vendeve për kufirin detar dhe çështje të tjera.

Opozita greke ka sulmuar ashpër qeverinë Tsipras në lidhje me marrëveshjen e arritur mes Greqisë e Maqedonisë për emrin e kësaj të fundit, dhe një tjetër marrëveshje sensitive si ajo mes Greqisë e Shqipërisë, do t’i sillte jo pak probleme Tsipras.

Mbetet tashmë për t’u parë nëse marrëveshja, e finalizuar prej disa javësh, do të mund të nënshkruhet këtë verë apo do të shtyhet për shkak të turbullirave politike në Greqi.