Gjermania nacionalizon njërën prej kompanive më të madhe energjetike

Nacionalizimi i kompanisë energjetike gjermane Uniper ka përfunduar, kanë bërë të ditur sot ministritë gjermane të ekonomisë dhe financave. Gjiganti energjetik këtë vit u përballë me probleme të mëdha financiare për shkak të ndërprerjes së furnzimit me me gazin rus, pasi vendet perëndimore e dënuan Rusinë me sanksione për shkak të pushtimit të Ukrainës. Për këtë arsye çmimi i gazit u rritë shumë.

Kompania me seli në Düsseldorf u detyrua të kompensoj sasitë e mbetura ruse me gazin e blerë me çmime të larta tregu në mënyrë që të likuidon detyrimet sipas kontratave të furnizimit me klientët, në kohë kur kushtet ishin të volitshme. Kjo i ka shkaktuar Uniperit problemet të papërballueshme me likuiditetin.

Uniperi i shkatërruar ishte i detyruar të zbatoj rikapitalizimin prej 8 miliardë euro, që vetëm shtetit federal iu lejua, dhe qeveria bleu edhe aksione nga kompania finlandeze Fortum, si aksion shumicë i Uniperit.

Kështu, Qeveria e Gjermanisë tani ka në pronësi 99 për qind të gjigandit energjetik gjerman.

Uniper vlerëson që deri në fund të vitit 2024 i duhet një mbështetje shtetërore prej 30 miliardë euro. Dje ajo mori 5.5 miliardë euro, e gjithsej në këtë vit mori 13.5 miliardë euro mbështetje shtetërore përmes masave pëvetësimit të pjesëmarrjes në kapital.

“Të jemi të qartë, këto janë shpenzime që Unioer dhe Gjermania i kishin si pasojë e luftës kundër Ukrainës dhe ndërprerjes së furnizimit me gaz nga Rusia,” tha Drejtori ekzekutiv i kompanisë, Klaus Dieter Maubach.

Komisioni Europian ka miratuar mbështetjen shtetërore gjermane mbrëmjen e së martës, pasi që aksionerët e Uniperit dhanë dritën jeshile.