Para iranianëve, trafikantja e drogës nga AKSHI kishte akses në E-Albania, TIMS, dogana, tatime…

Kur u publikuan të dhënat e qytetarëve nën kujdesin e patronizhstëve të Partisë Socialiste, Kryeministri Edi Rama filloi të tallet; Kur këto të dhëna dhe shumë më sensitive se këto u publikuan pas një kohe, u tha se prapa tyre qëndrojnë huckerat iranianë! Por, ata nuk ndaluan, kaluan tek E-Albania, TIMS, dogana e tatime për tu futur edhe në sitemin bankar!

Qytetarët ishin në panik, por dje u pa se gjëma nuk kishte ndodhur me iranianët, por, shumë kohë parë! Po këto të të dhëna i kishte dhe një trafikante ordinere e drogës, që fati i saj socialist e deshti të punoj shefe në AKSHI.

28-vjeçarja Erisa Fero e cila u kap duke transportuar rreth 58 kilogramë kanabis ditën e djeshme u zbulua nga grupi hetimor përmes informacioneve në rrugë operative, por jo vetëm, pasi e reja përdorte edhe dokumentin zyrtar të punës ku punonte, si punonjëse e AKSHI. Dokumentat zyrtare i përdorte për të kaluar kontrollet e policisë dhe lëvizte me makina zyrtare zakonisht. Sipas raportimeve kur e reja ndalohej nga policia, tregonte dokumentin zyrtar dhe kalonte.

Pas indicieve të para policia nisi hetimet dhe 28-vjeçarja ishte në monitorim nga grupi hetimor deri ditën e djeshme ku u kap në flagrancë duke transportuar 58 kg kanabis. Dyshohet se nuk është hera e parë që 28-vjeçarja kryente transportin e lëndës narkotike.

Erisa Fero kishte një post jo pak të rëndësishëm te AKSHI. Ajo nuk ishte specialiste e thjeshtë, siç u tha dje në komunikatë, por shefe kompjuterike ose Head IT.

Kështu, trafikantja 28-vjeçe e drogës ishte shefe e sektorit që ka akses në databazën e E-Albania, TIMS dhe në disa databaza të tjera si doganat dhe tatimet.

Pra, në shtetin e Edi Ramës ka patronazhistë, hucker iranianë por ka edhe trafikantë droge të AKSHI!