Presidentja Vjosa Osmani uron besimtarët ortodoksë për Krishtlindje

Presidentja e Kosovës, Vjosa Osmani, ka uruar besimtarët ortodoksë me rastin e Krishtlindjes Ortodokse.

“Të nderuar qytetarë të komunitetit ortodoksë, dua t`ju shpreh urimet e mia më të ngrohta për të gjithë ju që e kremtoni këtë festë! Dashuria, paqja dhe harmonia mbushtë zemrat dhe shtëpitë tuaja. Festat sikurse Krishtlindja janë në funksion të dashurisë dhe solidaritetit  ndërmjet njerëzve.

Toleranca është vlerë tradicionale e shoqërisë sonë, ndaj jo vetëm në këtë ditë duhet ta mbështesim njëri-tjetrit dhe në të njëjtën kohë të kemi më shumë shpresë, besim e kurajo. Lumturia, shëndeti e begatia qofshin gjithmonë me ju!”, thuhet në urimin e Presidentes së Kosovës, Vjosa Osmani duke përfunduar:

“Gëzuar Krishtlindjen Ortodokse!”