PD Durrës, Dritan Burgija: Gëzuar 32 vjetorin e themelimit të Degës!
Në 32 vjetorin e themelimit të Partisë Demokratike Dega Durrës, Kryetari Dritan Burgija tha se sot i afrohen durrsakëve me dinjitet përballë arrogancës, krimit dhe korrupsionit që i qeveris, u ul atyre kokën dhe i vjedh çdo ditë.
“Mirënjohje të veçantë i drejtojmë të gjithë themeluesve të PD-së Durrës edhe atyre që sot nuk janë më mes nesh, si dhe gjithë kontributorëve që kanë lënë gjurmën e tyre në themel të kësaj Dege në ditë të mira e të vështira,” tha Dritan Burgija duek shtuar se demokratet ditën të përballen me sfidat e regjimit korruptiv te rilindjes dhe zgjodhën të bashkohen rreth vlerave të moralit të lartë dhe të demokracisë.
“Sot të gjithë ne bëhemi gati t’i ofrojmë bashkëqytetarëve tanë një qeverisje ndryshe nga ajo që ata kane hequr mbi kurriz. Detyra jonë si demokrate është të ndezim shpresën e durrsakeve dhe t’i krijojmë besimin qe ata kanë pasur tek alternativa e djathtë,” tha Kryetari i Partisë Demokratike Dega Durrës, Dritan Burgija, duke përfunduar:
Gëzuar 32 vjetorin e themelimit të Degës!
Fjala e Kryetarit të PD Dega Durrës, Dritan Burgija
I nderuar kryetari i Partisë Demokratike Prof. Dr Sali Berisha.
Të nderuar deputetë, themelues, kolegë drejtues të degës,
Të dashur demokrate dhe demokratë.
Gëzuar 32 vjetorin e themelimit të Degës!
Lindja e partisë së parë opozitare në dimrin ’90 kur studentët të ndjekur nga intelektualët dhe punëtorët nisën rrugën pa kthim drejt demokracisë dhe shënimi i kthesës së madhe historike, na bën të mblidhemi çdo vit, për të kujtuar gjenezën e për të nderuar protagonistët.
Një mirënjohje të veçantë i drejtojmë të gjithë themeluesve të PD-së Durrës edhe atyre që sot nuk janë më mes nesh, si dhe gjithë kontributorëve që kanë lënë gjurmën e tyre në themel të kësaj Dege në ditë të mira e të vështira.
PD në themel të saj ka patur mendimin e lirë, në rrugëtimin e saj ka pasur ulje dhe ngritje, konflikte të brendshme të pashmangshme, humbje dhe fitore, ka shtruar rrugën drejt Bashkimit Europian dhe ka lënë gjurmë në historinë e integrimit por është përballur edhe me skenarë eleminimi dhe ka qëndruar sepse demokratët kanë ditur të luftojnë duke ruajtur idealizmin dhe besimin tek një e ardhme europiane e Shqipërisë.
Demokratet ditën të përballen me sfidat e regjimit korruptiv te rilindjes dhe zgjodhën të bashkohen rreth vlerave të moralit të lartë dhe të demokracisë.
Sot të gjithë ne bëhemi gati t’i ofrojmë bashkëqytetarëve tanë një qeverisje ndryshe nga ajo qe ata kane hequr mbi kurriz. Ne i afrohemi durrsakeve me dinjitet përballë arrogancës, krimit dhe korrupsionit qe i qeveris, u ul atyre kokën dhe i vjedh cdo dite.
Detyra jone si demokrate është te ndezim shpresën e durrsakeve dhe t’i krijojmë besimin qe ata kane pasur tek alternativa e djathte.
Gëzuar e me fitore!
