Ne kemi vulën, flamurin, siglën, Berisha. Ne do marrim pjesë në zgjedhje!

Kryetari i Partisë Demokratike, Sali Berisha, e nisi sot konferencën e përjavshme me inceneratorët dhe organizatën kriminale të kryesuar nga Edi Rama, foli për refuzimin e Komisiot Hetimor që iu bë në parlament lidhur me udhëtimet e Kryeminstrit si dhe mandatin e shefes së diplomacisë shqiptare që përfundoi në Gjykatë Kushtetuese ndërsa në kulmin e debatit mbi të ardhmen e PD e bëri qartë se forca politika që ai drejton ka vulën, flamurin, siglën dhe flamurin në përputhje me ligjin dhe do marrin pjesë në zgjedhjet lokale të 14 Majit.

“Çështje e parë dhe më kryesore është çështja e djegësave dhe organizatës kriminale të kryesuar nga Edi Rama për këtë aferë. Ju patë, këto ditë, se si të gjitha plehrat, mbetjet, dheu, inertet, në kundërshtim flagrant me kontratën, nuk seleksionoheshin, në kundërshtim me betimin solemn të atij që nuk ka as besë dhe as moral, se aty po bëhet një mrekulli, thoshte Edi Rama, e patë se aty vazhdonte praktika e 25 viteve më parë, e groposjes. Pavarësisht se ka një kontratë që përcakton gjithçka ndryshe.

Në fakt, aty nuk po groposoheshin, por aty po groposej sistemi i drejtësisë dhe shteti ligjor.
Në ata kamionë që shkarkonin plehrat në një gropë të vjetër,a ty groposej dhe varrosej SKAP-i i partisë dhe sistemi i drejtësisë në tërësi.

Ndonëse prej dy vitesh është deklaruar me dhjetëra herë se qytetarët e qarkut të Tiranës, paguajnë 29 euro për çdo ton pleh, pa llogaritur transportin, kjo tarifë e cila në kontratë parashikohet për djegie. Kurse për depozitim ka një tarifë prej 11 eurosh.

Prej vitesh, Edi Rama, Erion Veliaj, presin euro, vjedhin çdo ditë dhjetëra-mijëra euro. Në total, diferenca prej 18 eurosh për çdo ton, shkon dhe depozitohet në kontot offshore të këtyre dy hajdutëve të paimagjinueshëm,” tha Sali Berisha duke konstatuar se janë bërë 51 milionë euro pagesa nga qytetarët e Tiranës për kontot offshore të Edi Ramës dhe Erion Veliajt.

“Nuk ka gjë më flagrante. Kjo vetëm se kjo sipërmarrje është e Ramës dhe Velisë. Janë bërë 51 milionë euro pagesa nga qytetarët e Tiranës për kontot offshore të Edi Ramës dhe Erion Veliajt, për plehra që dikur digjen, në një kohë kur as nuk digjen, por as nuk seleksionohen, siԷ u betua dhe rrahu gjoksin sipërmarrësi i plehrave, Edi Ram, nën betim para parlamentit shqiptar.

Nuk ka akt më flagrant se afera e inceneratorëve. Nuk ka akt më të turpshëm se qëndrimi i drejtësisë ndaj kësaj afere,” tha Kryetari i PD ndërsa komentoi dhe refuzimin që bëri mazhoranca për ngritjen e një Komisioni Hetimor për udhëtiemt me charter të Kryeministrit, kur dihet, tha Berisha se Rama e ka përdorur avionin për qëllime të dyshimta ndërkohë janë publikuar shifra se importet me Kolumbinë janë rritur 60 herë

“Një mekanizëm që ka ngelur për luftën kundër korrupsionit janë komisionet hetimore, të cilat Kushtetuta e Shqipërisë i njeh si e drejtë taksative. Neni 77 thotë: Kuvendi ka të drejtë dhe me kërkesë të një ¼ të anëtarëve të tij, është i detyruar të ngrihet komisioni hetimor.

Çfarë ndodh me kërkesën e 36 deputetëve për 137 udhëtimet me çarter të Edi Ramës? Pse pengohet? Si mund të pengohet?

Nuk ka ndodhur dhe nuk mund të ndodhë kurrrë. Edi Rama ka vendosur ta bllokojë komisionin. Ky është një akt i pashembullt. Edi Rama ka tmerr nga hetimi i atyre udhëtimeve. Jo vetëm nga shuma përrallore që është shpenzuar nga taksapaguesit më të varfër.

Por ka dyshime të forta për destinacionet dhe përdorimin e avionit.

Ka dyshime shumë të forta. Unë mund t’u them vetëm që importet nga Kolumbia janë rritur 60 herë dy vitet e fundit. A ka një paralelizëm me fluturimet e ‘Ismailit’? Asgjë nuk është e sigurt, por rumori zien se avioni është përdorur për qëllime të tjera,” tha Berisha i bindur se vetëm hetimi është rruga për transparencën e këtyre hetimeve.

“Nuk ka kryeministër në Europë, nuk ka. Presidenti i SHBA kishte bërë 70 fluturime në 4 apo 8 vite. Dhe kur u diskutua njëherë kjo çështje, tha kushton kaq ky fluturimi im. Edhe në vendin më të pasur të botës ka një llogari, kurse ‘Ismaili’ i Ramës rri më shumë në ajër se në tokë.

137 fluturime! Nuk ka ndodhur kurrë. Po të marrim të gjithë kryeministrat e Ballkanit bashkë, edhe atë të Greqisë, janë më pak se fluturimet e Edi Ramës.

E pashmangshme ishte dhe çështja e ministres së Jashtme, Olta Xhaçka, mandati i së cilës përfundoi në Gjykatën Kushtetutës ndërsa, sipas Sali Berishës, Xhaçka me këto veprime e ka vendin në burg.

Lufta kundër korrupsionit shkon drejt shuarjes përfundimtare. Unë para jush kam denoncuar një presion të jashtëzakonshëm që mafia e Edi Ramës, Olsi Ramës, Artan Gaçes, Olta Xhaçkës dhe Amant Josifit po bëjnë në Gjykatë Kushtetuese për të shpëtuar mandatin e një mafiozeje të pashoqe, siç është Olta Xhaçka.
Olta Xhaçka, duke përdorur pushtetin, lidhjet e saj me klanin e Rama, lidhjet e kahershme, se janë vërsulur Olsi, Edi, Artani, Josifi për të mposhtur Gjykatën Kushtetuese.

Një akt që do përbënte një akt të vërtetë ndaj Kushtetutës dhe goditje mëshire për luftën kundër korrupsionit.

Çfarë thotë neni 70 i Kushtetutës: deputetët nuk mund të kryejnë asnjë aktivitet fitimprurës që buron nga pasuria e shtetit. Olta Xhaçka me burrin e vet, kanë fituar statusin 5 mln të investitorit strategjik.
Olta Xhaçka ka inkriminuar kunatën e saj amerikane si ortake në këtë aferë.

Olta Xhaçka me këto veprime e ka vendin në burg dhe vetëm në burg. Dhe tani kërkon të shpëtojë.
Gjykata Kushtetuese në këtë rast, ka kazusin më të qartë dhe pikërisht për përpjekjen që bën parlamenti për të shkelmuar Kushtetutën, ajo duhet t’i dalë zot Kushtetutës,” tha Berisha duke konsideruar se nuk ka tallje më të madhe me qytetarët, se të mendosh se të shpëtojë Olta, pse Edi Rama nuk lejoi të vinte në parlament kërkesa:

“Nuk ka dëshmi më flagrante të implikimit direkt të Edi Ramës, por edhe atyre që mund të mendojnë se do gjykojnë në këtë mënyrë. Ky nen është një nen i artë në Kushtetutën e Shqipërisë. Nëse bie ky nen, bie çdo gjë në luftën kundër korrupsionit në këtë vend dhe mbetet vetëm vrulli, urrejtja dhe guximi i qytetarëve ndaj këtyre kriminelëve.”

Në këtë situatë, tha Kryetari i PD, ky vend ka vetëm një zgjidhje dhe janë vetëm qytetarët që mund të ngrihen në revolucion:

“Përndryshe Shqipëria shkon drejt një dezintegrimi social të plotë. Drejt një denatyrimi. Imagjinoni ju. Janë rritur importet me Kolumbinë 60 herë nga 2015-a deri sot. Çfarë bëhet kështu? E tëra është kokainë. Nuk kam të dhëna se ‘Ismaili’ ka fluturuar në Kolumbi. Por kam të dhëna se bën fluturime të dyshimta.

Hetimi dhe vetëm hetimi është vendimtar. Ky vend ka vetëm një zgjidhje dhe ajo zgjidhje është revolucioni. Si e vetmja zgjidhje.”

Në fund iu dha fund dhe kuroziteti i mediave nën kontrollin e Kryeministri Edi Rama, nëse subjekti politik që drejton Sali Berisha do të marrë pjesë në zgjedhje, nëse Gjykata e Apelit nuk i jep vulën:

“Ne kemi vulën, flamurin, siglën dhe flamurin në përputhje me ligjin. Ne do marrim pjesë në zgjedhje.
Ne kemi bërë përgatitjet më serioze në historinë tonë elektorale. Dhe vazhdojmë me intensitet,” tha , Kryetari i PD, Sali Berisha, duke përfunudar:

Imagjino tani: Kandidatët e shpellës me kandidatët tanë në primare, çfarë epërsie morale kanë këta krahasuar me kandidatët e Rozetave të Edi Ramës.

Kjo e ka tmerruar Edi Ramën.

Imagjinoni ju Sakon e Durrësit me Igli Carën? Sako, e cila është thjesht një zyrtare në duart e mafies. Se aty po kërcet dajaku. Por unë jam që të shkojnë para ligjit ata. Kurse Igli Cara përfaqëson qytetarin e Durrësit, banorët e Durrësit me të gjithë problematikat që kanë.

Le të vijë Erion Veliaj në një debat me Belind Këlliçin. Nuk vjen kurrë. Ka tmerr nga fytyra e vet. Sepse ai në çdo fjalë që do nxjerrë në atë debat, do kujtojë minierën e tij të floririt që po vjedh shqiptarët. Do kujtojë tenderat-kallp, mashtrimet, vjedhjet e tmerrshme.

Prandaj në këto zgjedhje janë të tmerruar.

Pastaj në ia mbajtë, të vijë Edi Rama me mua në debat. Të dalë pak. T’i tregoj se sa i vlen lëkura atij. E ftoj, pavarësisht se nuk dua të ulem kurrë me të, por detyrimi ndaj qytetarëve më imponon.”