Hedh poshtë kritikat e Ukrainës, Komiteti Olimpik: Diskredituese!

Komiteti Olimpik Ndërkombëtar, IOC, ka hedhur poshtë kritikat e zyrtarëve ukrainas, përfshirë presidentin, të cilët e akuzuan atë për nxitje të luftës.

IOC është shprehur javën e kaluar se atletët rusë dhe bjellorusë mund të garojnë si neutralë në Lojërat Olimpike.

Pas këtij lajmi, raporton RFE, ka reaguar Presidenti i Ukrainës, Volodymyr Zelensky, duke theksuar se lejimi i Rusisë për të garuar në Lojërat Olimpike 2024 në Paris do të tregonte se “terrori është disi i pranueshëm”.

Ai tha se përpjekjet e IOC-së “për të rikthyer atletët rusë në Lojërat Olimpike janë përpjekje për t’i thënë gjithë botës se terrori është disi i pranueshëm”.

Komiteti Olimpik Ndërkombëtar tha më 31 janar se këto komente diskredituee “nuk mund të shërbejnë si bazë për ndonjë diskutim konstruktiv”.

Lojërat Olimpike Verore të vitit 2024, raporton RFE, do të mbahen në kryeqyetin e Francës, Paris.