“Plani franko-gjerman”, Presidenti i Serbisë sot spektakël demokracie në parlament

Situata në Kosovë, Plani franko-gjerman dhe përgjigjet e Serbisë ndaj presioneve të Perëndimit për zgjidhjen e çështjes së Kosovës janë temat e diskutimit të seancës plenare të parlamentit serb ku do të jetë prezent dhe presidenti Aleksandar Vuçiç, për të cilën seancë askush nuk pret asgjë përveç se një spektakli të radhës nga njeriu i cili tensionoi situatën në Kosovë, nuk e kundërshtoi kurrë planin franko-gjerman dhe kurrëfarë presioni nuk kishte nevojë të përdorej nga njeriu i cili sot manipulon edhe popullin serb ndërsa në krah ka Ambasadorin e SHBA në Beograd edhe pse mbështetë pa rezervë politikën e Putinit dhe Rusisë ndaj agresionit rus në Ukrainë.

“Nëse mendoni se do të jepni leksione, se do të jenë monologjet tuaja për të cilat nuk kam përgjigje… E dini, thesi nuk e kthen goditjen, e njerëzit e ndershëm dhe të përgjegjshëm dinë të kthejnë edhe goditje politike,” tha Vuçiç në prag të seancës plenare ndërsa në pyetjen e gazetarëve për peticionin kundër planit franko-gjerman i cili nënkupton dhe miratimin e Serbisë për anëtarësimin e Kosovës në OKB, dhe të cilin ka paralajmëruar se do ta firmos edhe Ish-Presidenti i Jugosllavisë, Vojisllav Koshtunica, ai meqë nuk kishte përgjigje për Planin akuzat për Koshtunicën i kishte në maje të gjuhës:

“Askush në Serbi nuk është i lumtur me këtë plan, por kur lexoni arsyetimin e peticionit i bëni pyetje vetes pse ky njeri lejoi në vitin 2001 që nga burgu të lirohen rreth 1800 terroristë, ndër të cilët edhe vëllezërit Mazreku, që kanë përdhunuar serbet në Kleçkë,” tha njeriu që do të hap Ballkanin së bashku me Kryeministrin e Shqipërisë, Edi Rama, ndërsa Kleçkën e përdor kohë pas kohe ndonëse rasti u gjykua dhe akuza serbe u hodhën poshtë si nga Gjykata e EULEX-it ashtu dhe Gjykata e Hagës.

Ndonëse Presidenti i Serbisë, Aleksandar Vuçiç, tha se nuk do të veproj si presidentët tjerë por do të lexoj raportin dhe do të qëndroj në seancë për t’ju përgjigjur të gjitha pyetjeve, të gjithë ekspertët parashikojnë një seancë plenare me ca zëra kundër por me një “fitore” të Vuçiçit që në emër të integrimit evropian, që do të marrë dhe votat e kundërshtarëve demokratë që janë kundër këtij autokrati që sot kontrolloon gjithçka në Serbi: ujin, arin dhe tokën!