Tërmeti shkatërrimtar në Turqi, MPJ e Kosovës: Na kontaktoni në nr…

Deri sa Ministria për Evropën dhe Punët e Jashtme e Shqipërisë nuk ka kohë të merret me qytetarët e saj që jetojnë në Turqi dhe mund të jenë prekur nga tërmeti shkatërrimtar, Ministria e Punëve të Jashtme dhe Diasporës e Kosovës, ka dhënë njoftim për të gjithë qytetarët nga zonat e prekura nga tërmeti që të kontaktojnë Amabsadën duke publikuar dhe numrat e emergjencës:

“Për raste emergjente nga zonat e prekura nga tërmeti, luten qytetarët tanë të kontaktojnë në numrat emergjentë: Ambasada e Republikës së Kosovës në Ankara: +90 542 711 80 99; Konsullata e Republikës së Kosovës në Stamboll: +90 531 105 63 91,” thekson Ministria e Punëve të Jashtme dhe Diasporës e Kosovës:

Ndryshe, nga ora 4:17 kur Turqi u godit nga një tërmet shkatërrimtar me magnitudë 7.8 të shkallës Rihter, sipas Qendrës Mesdhetare Sizmologjike, EMSC, janë shënuar edhe 35 pasgoditje me magnitudë mbi 4.5, dhe 13 me magnitudë mbi 5.0 ndërsa numri i të vdekurve sa shkon e rritet, dhe aktualisht është 912 ndërsa vazhdon operacioni i kërkim shpëtimit.