Përkujtohet revolta e parë anti-komuniste/ Pampuri: Ndryshimi i madh nisi nga një qytet i vogël…
Në Kavajë është përkujtuar revolta e parë antikomuniste dhe heroi i parë i demokracisë Josif Buda, i cili ishte pjesëmarrës në protestën antikomuniste që nisi në qytetin e Kavajës.
Deputetja demokrate Orjola Pampuri në një shënim në rrjetet sociale shkruan se “më 10 korrik 1990 ndryshimi i madh nisi nga një qytet i vogel si Kavaja”
“Më 10 korrik 1990 ndryshimi i madh nisi nga një qytet i vogël si Kavaja. Qindra, mijëra të rinj, u ngritën kundër sistemit më të egër komunist, rezistenca e të cilëve pati dhe pishtarin e parë të Demokracisë të ndjerin Josif Budo, gjaku i të cilit nuk do harrohet ndër breza.
Sot në Kavajë me qytetarë të Kavajës, qyteti simbol e djep i demokracisë, me familjarë të Pishtarit të Demokracisë, Josif Budo, dhe me kryetarin e Bashkisë së Kavajës, Isa Sakja, në kujtim të revoltës popullore, aty ku për herë të parë me dy gishtat lart të gjithe kërkonin Liri-Demokraci”, shkruan Pampuri.
