11 komuna në Serbi udhëhiqen nga kryetarë joserb, Kurti: Pse nuk iu mundësohet Asociacioni!

Në kulmin e presionit ndërkombëtar që i bëhet Kryeministrit të Kosovës për themelimin e Asociacionit të komunave me shumicë serbe, Albin Kurti sjellë të dhëna nga rezultati i zgjedhjeve të fundit ku konfirmohet se në Serbi janë plotë 11 komuna ku pakicat etnike janë shumicë dhe drejtojnë këto pushtete vendore, por asnjërës prej këtyre pakicave, si hungarezëve, boshnjakëve, bullgarëve dhe shqiptarëve, shteti serb nuk u lejon të themelojnë Asociacion të ngjashëm me atë që kërkojnë në Kosovë për pakicën serbe.

“Minoritete në Serbi zyrtarisht llogariten 21 sosh: kroatët, bunjevcët, bullgarët, boshnjakët, shqiptarët, hungarezët, romët, rumunët, rusinët, sllovakët, ukrainsët, lidhja hebreje, ashkalinjët, vllehët, grekët, egjiptianët, gjermanët, sllovenët, çekët, maqedonët, malazezët,” shprehet Albin Kurti duke sjellë dhe faktet se janë 11 komuna në Serbi ku pakicat etnike janë shumicë dhe udhëhiqen nga kryetarë joserb ndërsa përfundon:

“Asociacione një-etnike komunash do të mund të formonin hungarezët, boshnjakët, shqiptarët dhe bullgarët. Pse Serbia nuk ua mundëson këtë, përderisa e kërkon një gjë të tillë në Kosovë?”