Sot para Parlamentit, Berisha: Protestë për të mbrojtur rendin kushtetues!
Sot në orën 17:00 kur pritet të zhvillohet dhe seanca plenare e Parlamentit të Shqipërisë, Partia Demokratike ka paralajmëruar një protestë para Kuvendit për, siç sqaroi Kryetari i PD, Sali Berisha, ti dalë zot votës së shqiptarëve, protestë për të mbrojtur rendin kushtetues.
“Zgjedhësit e Tiranës dhe Shqipërisë do të vijnë të protestojnë. Pse do të protestojnë? Do të protestojnë për një parlament që respekton votën e 620 mijë shqiptarëve, që kanë votuar kundër Edi Ramës. Ndaj dhe qytetarët e Tiranës, demokratët e Tiranës janë të ftuar dhe kërkoj që të bëjmë çdo përpjekje për të qenë te parlamenti në çdo seancë. Ai është institucioni i krimit monstruoz kushtetues,” tha Sali Berisha para kryetarëve të Degëve të PD Tiranë duke vazhduar të jetë i bindur:
“Revolucioni ynë nuk do të njohë të ndalur. Asnjë ndikim të mos keni ju, nga ata të cilët unë e kuptoj, unë e kuptoj, kam mirëkuptim të plotë, se durimi i njerëzve ka arritur në kufijtë më të mëdha mosdurimi, por përsëri revolucioni ynë është paqësor, i mjeteve të mosbindjes civile, nuk është me armë.
Ne do të përmbysim këtë regjim, me mjetet të mosbindjes civile dhe në fund me votën e lirë.
Ne jemi Parti Demokratike, nuk marrim pushtet me dhunë, nuk jemi forcë staliniste, fashiste, por forcë demokratike. PD përdor të gjitha mjetet demokratike dhe të mos bindjes civile që qytetarët tanë të votojnë të lirë. Ky është zotimi i ynë, kjo është fitorja jonë dhe ne do të fitojmë.”
Në fund, sqaroi ata që e kanë keqkuptuar thirrjen e e Kryetarit të PD, Sali Berisha, për revolucion dhe pse çdo demokrat duhet të jetë sot në orën 17:00 në protestën para Kuvendit:
“Revolucion çfarë do të thotë? Do të thotë të jesh i zoti, i aftë, të reagosh, të ndërgjegjësosh dhe kapitalizosh pakënaqësinë. Ndaj dhe ne, misionar në çdo familje do të trokasim dhe me çdo zgjedhës do të bisedojmë. Protesta te parlamenti është protestë për ti dalë zot votës tuaj. Është protestë për të mbrojtur rendin kushtetues.”
Ndryshe, seanca e sotme plenare do të zhvillohet me këtë Rend të Ditës:
