Kërkesa/ Deputeti i PS që u kap duke votuar për kolegen, firmos përjashtimin e 6 deputetëve të PD

Partia Socialiste përveç se kërkon përjashtimin e deputetëve të opozitës nga Parlamenti, nuk dënjon që për firmëtar të këtyre kërkesave të përfshijë dhe kriminelin e votës në tempullin e ligjeve, deputetin e PS, Baftjar Zeqajn!

Në kërkesën e fundit për përjashtimin e 6 deputetëve nga radhët e opozitës, firmëtar është Baftjari i cili u kap nga syri i kamerës duke votuar hapur për kolegen socialiste e cila nuk ndodhej në seancë, që në gjuhën juridike dhe së fundi edhe të Taulant Ballës, konsiderohet shkelje e Rregullores së Parlamentit.

Me këtë kërkesë rreth gjysma e grupit parlamentar të PD është përjashtuar nga seancat e fundit parlamentare.

Seancën e së enjtes nuk do të jenë prezentë 8 deputetë mes tyre Kryetari i PD Sali Berisha dhe Sekretari i Përgjithshëm i PD Flamur Noka.

“Me një akt të paprecedentë, socialistët në mungesë argumentash mbrojtës për skandalin e lidhjeve korruptive të Edi Ramës dhe McGonigal, kanë zgjedhur që çdo seancë të përjashtojnë deputetë të opozitës,” deklaron PD në reagimin e saj.

Dhe, jo vetëm kaq! Socialistët sërish në shkelje kërkojnë mbledhjen e Sekretariatit jashtë afatit, 4 ditë pas dorëzimit të kërkesës.

Sipas Rregullores, sekretariati duhej të ishte mbledhur 48 orë pas dorëzimit të kërkesës së deputetëve socialistë, pra më datë 19 shkurt.

Ndryshe, pavarësisht reagimit të PD dh eparregullsive në proces Sekretariati për Procedurat dhe Votimet përjashtojë nga seanca deputetët e PD:

1. Edmond Spaho 10 ditë
2. Elda Hoti 10 ditë
3. Sorina Koti 10 ditë
4. Oerd Bylykbashi 10 ditë
5. Lindita Metaliaj 5 ditë
6. Greta Bardeli 3 ditë