Pas operacionit të apendicitit, Kryeministri Edi Rama lë spitalin

Pas ndërhyrjes së suksesshme krirurgjikale ku hoqi apendicitin, sot Kryeministri Edi Rama la spitalin për të vazhduar rikuperimin në shtëpi. Lajmin e ka bërë të ditur vetë Edi Rama duke falënderuar ekipin mjekësor ndërsa u premtoi socialistëve se së shpejti do të kthehet në mesin e tyre.

“Një falënderim nga zemra kujtdo prej jush që këto ditë është interesuar për shëndetin tim.

Falë ekipit të përkushtuar mjekësor dhe pas ndërhyrjes së suksesshme, sot e lashë spitalin për të vazhduar protokollin e rikuperimit në shtëpi dhe pa mundur të gjej dot fjalët e mjaftueshme për t’i falënderuar mjekët e infermierët për përkujdesjen e tyre,” shprehet Edi Rama përmes rrjetit social Facebook pasi la spitalin duke përfunduar:

“Besoj se do të kthehem shpejt mes jush dhe edhe njëherë shumë faleminderit për mbështetjen tuaj.

Ju dua shumë, Edi”