A do të jetë Shaqiri rezervë te Liverpool? Ja përgjigjia e Klopp

Jurgen Klopp ka thënë se Xherdan Shaqiri nuk është blerë për të përforcuar rezervat e Liverpoolit, por për të rritur cilësinë në skuadrën e parë.

Sipas trajnerit gjerman, Shaqiri nuk e meriton të jetë rezervë te asnjë skuadër evropiane.

“Shaqiri është një lojtar me personalitet të madh. E njoh shumë se si është zhvilluar si futbollist. E kam parë që kur ishte në Zvicër, pastaj sa ishte në Bundesliga dhe e admiroja shumë.

Është fantastike ta kem në skuadër sepse është lojtar që di të luaj në disa pozicione.

E patë në Kupën e Botës se çfarë personaliteti ka si futbollist. Tek ne do të përshtatet lehtë dhe do të bëjë ndryshime pozitive. Asnjëherë unë nuk kam transferuar futbollistë titullarë në skuadrat e tjera, për t’i lënë në bankën rezervë të skuadrës sime”, ka thënë Klopp.