Reali gati të paguajë 170 mln euro për yllin belg/ Hazard: Koha për ndryshim…

Ylli i Belgjikës, Eden Hazard, është shprehur për gazetarët, pasi ndeshjes kundër Anglisë për vendin e tretë të Kupës së Botës, se është gati të largohet dhe ka një tjetër klub në mendje.

Real Madrid e ka përjashtuar kategorikisht blerjen e Neymar dhe Mbappe.

Por ish-lojtari i Lille padyshim që është në radarin e tyre dhe me komentet pas ndeshjes ka konfirmuar gjithçka.

“Pas gjashtë viteve të mrekullueshëm te Chelsea mbase ka ardhur koha të zbuloj diçka ndryshe.

Unë mund të vendos nëse dua të largohem apo të qëndroj – por në fund është Chelsea që merr vendimin final – nëse do të më lejojë të largohem. Ju e dini destinacionin tim të preferuar”, tha ylli belg.

Në Spanjë raportojnë se Los Blancos janë gati të paguajnë 170 mln euro për Eden Hazard. Ai mund të bëhej futbollisti i tretë më i shtrenjtë i historisë.