Krimi i rëndë në Shkodër, policia jep detajet e ngjarjes…

Policia ka dhënë një informacion paraprak lidhur me ngjarjen e rëndë që ka ndodhur sot në Shkodër, ku një ish-zyrtar police është gjetur në makinë i vrarë, bashkë me bashkëjetuesen e tij. Ngjarja ka ndodhur pak para orës 7 të mëngjesit.

Informacion Paraprak

Më datë 15.07.2018, ora 06:40, në lagjen Naim Gjylbegu, Shkodër, në automjetin me targa AA006HA, janë gjetur të vrarë me armë zjarri shtetasit, B. B. dhe bashkëjetuesja.

Menjëherë kanë shkuar në vendngjarje shërbimet e policisë dhe grupi hetimor, ku nën drejtimin e Prokurorisë së Rrethit Shkodër po kryhen veprimet për sqarimin e rrethanave të ngjarjes.