Paramilitarët e Bashës sulmojnë të pabindurit, edhe dy anëtarë të Kryesisë japin dorëheqje

Pas tensioneve dhe incidenteve që u shënuan gjatë mbledhjes së Kryesisë së PD-së së vulës, Sekretari i Përgjithshëm Gazment Bardhi i cili u largua nga mbledhja pasi refuzoi të votonte për mbajtjen e zgjedhjeve për Kryetarin e ri të PD-së, më 29 korrik, duke dënuar me forcë dhunën dhe gjuhën kërcënuese ndaj deputetëve të PD nga mbështetës të Lulzim Bashës ai theksoi se këto nuk janë mjete politike.

“Dhuna verbale, presioni dhe shantazhi kundër deputetëve të PD që mendojnë ndryshe nuk janë mjete politike. Kjo sjellje prej grupimi paramilitar hedh në erë bashkëjetesën brenda kësaj force politike dhe dërrmon në mënyrë përfundimtare besimin e qytetarëve tek PD.

Duke dënuar me forcë aktet e dhunës kundër deputetëve të PD, anëtarëve të Kryesisë dhe gazetarëve, u kërkoj secilit kolegë të distancohen publikisht prej tyre,” thuhet në reagimin e Gazment Bardhit i cili ra pre e sa kësaj dhune duke përfunduar:

“Përmes dhunës, presionit dhe shantazhit nuk ndërtohet asgjë afatgjatë, në interes të demokratëve dhe të Shqipërisë.”

Ndërkohë pas nënkryetares së PD-së, Jorida Tabaku, dorëheqje kanë dhënë edhe dy anëtarë të tjerë të kryesisë, deputetët Flamur Hoxha dhe Ori Nebiaj.

Gjatë votimit të djeshëm Flamur Hoxha votoi kundër hapjes së menjëhershme të garës për kryetar të PD-së, ndërsa Nebiaj abstenoi.

Hoxha ka sqaruar se ka dhënë “dorëheqjen si Sekretar Organizativ, rrjedhimisht dorëheqje nga Kryesia si anëtar të Kryesisë nga posti i Sekretarit Organizativ pasi nuk jam në lartësinë e asaj Kryesie!”

Ndryshe, pjesa kriminale e kësaj partie e cila qëndroi e qetë dhe shijoi dhunën ndaj kolegëve të tij ndërsa votoi për zgjedhjen e kryetarit të PD më 29 korrik, pra Lulzim Bashës janë:

1. Enkelejd Alibeaj
2. Flutura Açka
3. Jemin Gjana
4. Taulant Zeneli
5. Endri Hasa
6. Indrit Sefa
7. Kreshnik Çollaku
8. Roland Bejko
9. Gentian Gaba
10. Agron Kapllanaj
11. Arbi Agalliu
12. Fitim Zekthi
13. Gazmend Koduzi
14. Merita Bakiu
15. Orjola Pampuri
16. Taulanda Jupi
17. Xhemal Gjunkshi

Kundër votuan:
1-Jonila Godole
2-Flamur Hoxha

Abstenuan:
Jorida Tabaku, Juela Hamati dhe Oriela Nebiaj

Ndërkohë refuzuan të votojnë dhe ranë pre e dhunës së paramiltarëve të Lulzim Bashës:

1.Gazmend Bardhi
2.Dashnor Sula
3.Saimir Korreshi
4.Helidon Bushati
5.Bledion Nallbati
6.Dhurata Çupi
7.Lefter Geshtenja.