Krimi i dyfishtë në Shkodër, ja çfarë zbulohet në mjetin e djegur/ Dyshimet e policisë…
Të tjera detaje po raportohen mbi ngjarjen e rëndë që tronditi mëngjesin e sotëm Shkodrën. Viktima mbetën një cift të rinjsh, një ish-punonjës policie dhe bashkëjetuesja e tij.
Sipas informacioneve mësohet se një mjet i djegur është gjetur në dalje të qytetit të Shkodrës.
Dyshohet se mjeti mund të jetë përdorur nga autori i vrasjes së dyfishtë të ndodhur në lagjen “Naim Gjylbegu”, ku mbetën të vdekur burrë e grua.
Në mjetin e djegur është gjetur një armë automatike, që dyshohet të jetë dhe arma që është përdorur për vrasjen e dyfishtë.
Arma bashkë me mjetin dyshohet se janë djegur për të humbur gjurmët e vrasjes.
