Sot Escobar dhe Lajçak në SHBA, diskutim publik për dialogun Kosovë-Serbi

Sot në orën 15:00, drejtpërdrejt nga Washingtoni, I dërguari i SHBA për Ballkanin Perëndimor, Gabriel Escobar dhe ai i BE për dialogun nës mes Kosovës dhe Serbisë, Miroslav Lajçak, do të mbajnë një diskutim publik lidhur me rifillimin e dialogut Kosovë-Serbi, në kohën kur dialogu është një prej tri kërkesave të tyre kryesore për të dyja palët.

Për t’u bërë pjesë e këtij dialogu mund të regjistroheni KETU.

Në njoftimin e Këshillit të Atlantikut thuhet se progresi i fundit në normalizimin e marrëdhënieve ndërmjet Serbisë dhe Kosovës përmes dialogut Beograd-Prishtinë të lehtësuar nga BE kërcënohet nga përshkallëzimi i tensioneve në veri të Kosovës.

Bëhet e ditur se ky diskutim do të ofrojë njohuri se si SHBA dhe BE synojnë të ndihmojnë në zbutjen e tensioneve dhe të gjejnë zgjidhje të mundshme që Serbia dhe Kosova të krijojnë marrëdhënie më të qëndrueshme.