Tensionet në Veri, Edi Rama: Albin Kurti lexon sondazhet dhe kënaqet!

Albini nuk e ka dashur ballafaqimin e drejtpërdrejt për veriun, lexon sondazhet dhe kënaqet, tha sot Kryeministri Edi Rama në daljen e tij publike e cila krijoi përshtypje se do të përmirësoj figurën e tij ndër kosovarë kur filloi të flas për lirimin pa kushte të tre policëve të arrestuar nga forcat serbe të sigurisë, iu kthye fjalorit të tij arrogant duke theksuar se Shqipëria nuk është notere e çdo politike që ndjek Kosova, aq më tepër që trajtohet si vëllai madh.

“Policët mbahen në burg në Serbi, nuk ka përparim në dialog pa kthimin e tyre në shtëpi. Nuk mund të ketë normalitet as në marrëdhëniet mes Shqipërisë e Serbisë për sa kohë Serbia nuk i hep fund heqjes së lirisë së tre policëve, kur ata nuk kanë kryer asnjë krim. Dhe nëse e kanë kaluar kufirin sikur ta marrin të mirqenë njerëzit arrestohen , pyeten dhe kthehen pas.

Mbajtja e tyre në burg e pajustifikueshme dhe e papranueshme. përpjekja për ta mbuluar këtë lajthitje shtetërore për mbajtjen pa asnjë të drejtë të 3 policëve të një shteti tjetër duke ngritur zërin, por arrestimin e një personi tjetër, nuk i përgjigjen në mënyrë simetrike shkeljeve të të drejtave të bashkëkombase të një shteti tjetër. Duhet bashkëpunim me faktorin ndërkombëtar, EULEX, KFOR dhe aty ku është origjina e kësaj problematike,” tha Edi Rama duke paralajmëruar se klima e tensionit po rritet me orë duke rrezikuar seriozisht një përplasje fatale të armatosur mes grupeve që operojnë në Veriun e Kosovës dhe forcave të sigurisë, çka do të ishte një katastrofë në mes të së cilës do të përfshihej paevitueshmërisht KFOR-i.

“Unë sot e përsëris edhe me zë dhe me figurë apelin për lirimin e menjëhershëm pa kushte, pa nëse të tre efektivëve të Policisë së Kosovës, jo vetëm sepse është shkelje e të drejtave të njeriut që nuk mund të minimizohet në asnjë mënyrë, por sepse pa u kthyer në shtëpi ata tre burra nuk ka asnjë hapësirë për të lëvizur me planin e deeskalimit.

Nga ana tjetër dua t’ju informoj se pardje i kam nisur një letër të dytë, pas asaj të draftstatutit Presidentit Macron dhe kancelarit Scholz, për dijeni edhe Presidentit të Këshillit Europian Charles Michel lidhur me domosdoshmërinë e një shtyse të re, konkrete të Francës dhe Gjermanisë si kumbarët e planit franko-gjerman natyrisht me mbështetjen e SHBA-ve që plani franko-gjerman të zbatohet me doemos.

Në kushtet kur degradimi i situatës në Veri si rezultat i përplasjes së vazhdueshme të politikave të brendshme të dy udhëheqësve të Kosovës dhe të Serbisë po e rrit me orë klimën e tensionit, duke rrezikuar seriozisht një përplasje fatale të armatosur mes grupeve që operojnë në Veriun e Kosovës dhe forcave të sigurisë, çka do të ishte një katastrofë në mes të së cilës do të përfshihej paevitueshmërisht KFOR-i.

Përplasje e cila dhe sikur 3 orë të zgjaste do të rezultonte fatale dhe për të gjithë çka është bërë në këto vite, përpjekje, nisma, ndërveprime në Ballkanin Perëndimor nën ombrellën e procesit historik të Berlinit.”

Situata mes Kosovës e Serbisë nuk favorizon asnjë fuqi, përveç Rusisë, tha Rama e për të balancuar gjuhën ndaj Beogradit tha se rajoni i Ballkanit Perëndimor nuk i përket as Albinit dhe as Aleksandrit.

“Do të ishte fatale për atë që është bërë gjithë këto vite, me nisma e ndërveprime në Ballkan nën ombrellën e procesit të Berlinit. Një kthim mbrapa dramatik për krejt rajonin dhe të ardhmen e tij që nuk mund të mbeten peng i garës për elektorat as për ata në Kosovë e as në Serbi.

Marrëdhëniet duhet të normalizohen dhe njohja e ndërsjellët të bëhen de facto. Sa herë e duan politikat e brendshme sa në njërin apo në tjetrin breg fillojnë konfliktet, që vazhdimisht u kujtojnë të tjerëve se ky rajon është ai që mezi çdo ditë po përpiqet të heqë damkën e historisë dhe papritur rizgjohet në anën e gabuar.

Prandaj është e rëndësishme të kuptojnë të tërë që flasin për vëllezër të mëdhenj e të vegjël te ata që kërkojnë arsye për të mos pasur arsye për të shtyrë këtë proces se interesi ynë kombëtar si shtet kërcënohet nga kjo situatë. Ky rajon nuk është as i Albinit, as i Aleksandrit. Rajoni është i shteteve e popujve në të. Kemi vuajtur boll nga nacionalistët, nacional-folkloristët dhe përplasjet e vazhdueshme që sot nuk kanë justifikim sepse jemi në mes të një Europe që kërkon të mbështesë paqen. Kjo situatë i shkon për shtat vetëm Rusisë, asnjë fuqie tjetër. Nga këto përplasje dhe kjo paaftësi për t’u ulur me durim nuk fiton as Europa, vetëm Rusia.

Duhet të dalim nga kjo lojë politike “Tomi dhe Xherri” e të evitojmë skenarët e izolimit të Kosovës, por edhe Serbisë. Nuk janë të mira për interesin kombëtar të Shqipërisë që kërkon të përparojë dhe kërcënohet nga ato që ndodhin rrotull,” u shpreh Kryeministri i Shqipërisë duke shtuar se kështu do të reagonte sikur të arrestoheshin edhe 3 policë serbë nga autoritetet e Kosovës.

“Ne kemi qenë shumë të qartë, të drejtpërdrejt dhe të vendosur të ndjekim politikën që kemi ndjekur edhe me Serbinë. Pozicioni ynë ka pasur gjithmonë parasysh që ne të ndikojmë, aq sa na lejohet, aq sa është e mundur, që çdo lloj kërcitje armësh, sado e shkurtër, të mbahet larg nga Ballkani.

Patjetër që fakti që tre policë, në këtë rast janë tre policë të Kosovës, janë shqiptarë, por ju siguroj se të njëjtin qëndrim do mbaja dhe nëse do ishin policë serbë dhe pa diskutim që kjo ndikon në marrëdhëniet tona dhe kjo tregon sipas nesh që Serbia duhet të angazhohet shumë më seriozisht në këtë marrëdhënie me ne. Janë tre njerëz që mbahen atje nga një shtet. Mbulohet kjo me jo u arrestua kjo, u arrestua ai. Nuk kanë lidhje fare këto gjëra.

Një shtet demokratik dhe sikur të jenë të vërteta ato që thuhen nuk reagon një shtet duke bërë simetri. Pse çfarë janë këto banda. Shtet demokratik respekton të drejtat e njerëzve, pavarësisht se të drejtat e shtetasve të vet në një shtet tjetër mund të shkeljen. Arrestimet në Kosovë, Serbia ka ku t’i adresojë. T’i adresojë tek ato mekanizma që janë atje. Kjo është rruga e një shteti demokratik.

Jemi shumë aktivë për lirimin e tyre, jo vetëm në një kanal, në disa kanale, por ndërkohë nuk diskutohet që sa kohë ata njerëz të jenë atje, marrëdhëniet tona janë pas asgjë të re, por përkundrazi. Marrëdhëniet tona janë vetëm për këtë punë, për asgjë tjetër. Uroj që lirimi i tyre të bëhet sa më parë.”

Edi Rama tha me këtë rast se marrëdhëniet me Serbinë nuk do të jenë njësoj, deri sa të lirohen 3 policët, e bëri të qartë se nuk do të ketë ndalime të tregtisë apo kufizime të tilla, por komunikimi s’do të jetë i njëjtë.

“Asnjë lloj përftimi nuk ka duke mbajtur në burg tre efektivë policie të një shteti tjetër, për shkelje të kufirit, gjithmonë duke e zënë se kjo ka ndodhur. Serbia nuk e njeh farë atë kufi, çfarë problemi ka ? Apo po njeh shtetin e Kosovës me kufirin. Kjo është një lajthitje shtetëore. Ndaj edhe aleatëve dhe partnerëve ia kam bërë të qartë se pa u liruar ata të

Unë nuk jam i ëmbël me Albinin, por në këtë pikë do të bëjë të njëjtën gjë. Është e papranueshme fare,  nuk janë tre njerëz që janë kapur se kanë bërë krime, por janë kapur se kanë kaluar një vijë kufiri që është dhe e paqartë se ku ndodhet. Ajo që ka ndodhur është shumë e qartë.

Albini nuk e ka dashur ballafaqimin e drejtpërdrejt me këtë temë. Lexon sondazhet dhe kënaqet, por mendoj që Shqipëria nuk është noterë dhe nuk mund të jetë kurrë noterë e çdo politike që ndjek Kosova, aq më tepër që trajtohet si vëllai madh gjë që unë s’e mendoj kurrë.

Detyrimi ynë është të themi të vërtetën në sy, Shqipëria është shtet më vete dhe interesat e Shqipërisë janë shumë të qarta, ne s’mund të jemi dakord me çdo gjë,” tha Kryeministri Edi Rama duke e pranuar më në fund atë që e thotë çdo shqiptar normal, se mbledhja e dy qeverive Shqipëri-Kosovë është shfaqje ndërsa përfundoi:

“Propaganda që mbledhja ishte për qytetarët, marrëveshjet mund të firmoseshin pa pasur nevojë të jepnim shfaqje sikur gjërat janë normal. Nuk janë normal, janë shumë keq. Të vijë dita që të diskutohet marrëdhënia e shtetit të Kosovës me aleatët është shumë keq. Mua më duket e tmerrshme që programe të caktuar të BE me Kosovës kanë ngrirë. Në këtë rast është katastrofë që të këputen në këtë farë feje lidhjet aq të forta me bashkësinë euroatlantike.

Pra, unë jam i gatshëm të takohem me Albinin në çdo moment, në nivel personal ju do habiteni se sa mirë shkojmë bashkë, por në nivelin konceptual kemi shumë probleme.”