Stoltenberg në krye të NATO-s deri më 1 Tetor 2024

Shetet anëtare të NATO-s i kanë vazhduar mandatin Sekretarit të Përgjithshmëm, Jens Stoltenberg deri më 1 Tetor 2024.

Lajmin e ka bërë të ditur vetë Stoltenberg pas takimit të sotëm të Këshillit të Atlantikut të Veriut, duke falënderuar shtetet anëtare për besimin e dhënë.

“I nderuar nga vendimi i aleatëve të NATO-s për të vazhduar mandatin tim si Sekretar i Përgjithshëm deri me 1 tetor 2024. Lidhja transatlantike mes Evropës dhe Amerikës së Veriut e ka siguruar lirinë dhe sigurinë tonë për gati 75 vjet dhe në një botë shumë më të rrezikshme,” shprehet Jens Stoltenerg përmes rrjetit social Twitter duke përfunduar:

“Aleanca jonë është më e rëndësishme se kurrë më parë.”

Jens Stoltenberg është në këtë post nga viti 2014. Për herë të fundit mandati i është vazhduar në marsin e vitit 2022, vetëm pak kohë pas pushtimit rus në Ukrainë, deri në shtatorin e vitit 2023.

Aleatët nuk arritën të dakordohen për pasardhësin e tij dhe sërish i vazhduan mandatin.

Norvegjezi është Sekretari i dytë i Përgjithshëm i NATO-s me mandatin më të gjatë, pas holandezit Joseph Luns i cili në krye të Aleancës qëndroi nga viti 1971 deri në vitin 1984.

Shtetet anëtare të NATO-s shpresojnë se do të bien dakord për pasardhësin e Stoltenberg deri në shënimin e 75 vjetorit të Aleancës në korrikun e vitit 2024 në Washington