Sekuestrohen mbi 4 llogari bankare të një shtetasi italian/ 293 mijë euro dyshohet se u përfituan nga…

Policia Kriminale ka sekuesruar llogari bankare në vlerën e 293 mijë euro që dyshohet se janë përfituar nga veprimtari kriminale.

Sipas një informacioni zyrtar, Policia Kriminale në bashkëpunim me Prokurorinë e Rrethit Gjyqësor Vlorë dhe Drejtorinë Hetimore Qëndrore, në kuadër të procedimit penal nr.1263 të vitit 2018, kanë bërë të mundur sekuestro preventive mbi 4 llogari bankare të shtetasit italian V.L.

Shtetasi V.L., dyshohet për kryerjen e veprës penale të Pastrimit të produkteve të veprës penale ose veprimtarisë kriminale, parashikuar nga neni 287 i Kodit Penal.

Materialet hetimore iu referuan Prokurorisë për veprimet e mëtejshme.